[مي العصيمي]

[




السلام عليكم ورحمة الله


أبغى افضفض لكم طفشت وانا اكتم في صدري


انا تعرفت على وحدة يمكن من ثالث كلية ادق عليها القي معها انتظار شكيت فيها اكثر من مرة ادق عليها بالليل القي برضوا انتظار واذا سالتها قالت خويتي انا قلت في نفسي ياحرام ظلمتها استمريت معها تقريبا ثلاث شهور وحصلة مشكله معها وتركنا بعض يمكن شهرين بعدين رجعنا لبعض وبعدها سالتها وش قصة الانتظار قالت هاه اكلم خويتي قلت بصراحه انتي من تكلمين ما فيه بنت بتكلم اخر الليل اذا ناموا اهلها الا فيها شي قالت احسني الظن قلت في نفسي قلعتها مع الايام بتعترف ومرة كلمتني مرتبكه وحالتها حاله قلت لها وش فيك قالت انا ابغى كتب من صديقتي وارسلت اخوها ونزلت انا اجيبها منه من باب الصغير يعني مو من الباب الرئيسي وكان وقت الصلاة وجاء ابوي وشاف سيارة شباب ونزل شاب وعطني الكيسة وانا وراء الباب وجاء ابوي وسالني من الي اعطاك الكيس تقول قلت اخو صديقتي عطاني كتب طلبتها من اخته سكت ابوي وراحقلت لها انا طيب ليش شكلك خايفة ومرتبكه قالت انا من قالك اني مرتبكة قلت مبين على صوتك هي سكتت وانا هنا بديت اشك فيها ومر الوقت وقالت لي اني احب شاب تعرفت عليه من طريق النت وطورت علاقتي فيه الي الجوال قلت انتي تكلمين شباب وانا ياغافلين لك الله قالت هذاك اول الحين مبين شي قلت لها كيف مابينكم شي قالت صارت مشكله كبيرة لدرجة اني قلت لاختي وانا خويها جاء لحد بيتهم يتهدد وانها قالت لاختها واختها كلمته وهوشته عاد انا هنا نغزني قلبي قلت في نفسي كيف جاء بيتهم وكيف يعرف توصيف البيت هذا دليل انه جاي اكثر من مرة انا سكت لاني ما ادري وش اسوي وبعدين قلت اكيد تابة من الشباب ماراح تكلم شباب

ومرة كلمتني قالت يوه النت خربان ودقيت على الاتصالات تجي تشوفه قال عطيني رقمك علشان انا بجي الصباح اسوي اخاف اطق الباب ما احد يفتح تقول خويتي وعطيته رقمي فعلا جاء وسوى النت وراح لا عاد تقولي يوم راح عطني رقمه قلت ليش ناوية تكلمينه قالت ليش انا مجنون اعيد التجربة مرة ثانية قلت في نفسي اكيد عقلت لكن المصيبة جاءت عندي بالبيت وراح الحمام وخلت جوالها عندي عاد انا من الشك فيها وحب الاستطلاع فتحت جوالها اقراء رسائلها تفجاءة برساله في صندوق الورد اسم المرسل أميرة ومكتوب كلام بعدين مع تحيات حبيبك أفلان انا استغرب المرسل اسم بنت والمكتوب تحت اسم ولد كيف تجي وعدين فتحت الرسائل المرسله كاتبه له حبيبي انا في بيت صديقتي إذا رجعت كلمتك وربي ارتفع ضغطي بينفجر عاد هي جات وانا معصبة سألتها قلت انتي تكلمين شاب قالت لا ورايتها اسكتت بعدين قلت لها من هذا بعد قالت تذكرين الي جاء سوى النت قلت ايه قالت هذا هو قلت لها مسرع جاء حبيبك في ثلاث اسابيع صار حبيبك اسكتت بعدين قلبت السالفه وقالت مو من حققك تفتشين جوال وما ادري وش الخ بعدين ولا وازيد من الشعر بيت تكلم واحد معها بالمسن

بليز وربي انا احس اني ارتحت يوم قلت الي في خاطري دلوني وش اسوي معها اكمل معها او اتركها

وعن نفسي انا مستحيل ارتاح لها لا بعد صار لها فترة ادق عليها القي انتظار واذا سالتها تهاوش وتقول ما لك دخل هذي حياتي ومالك دخل اكلم الي ابي مو انتي الي تتحكمين في ومن هذا الكلام

وربي ما ادري وش اسوي الله يوفقكم ساعدوني وش اسوي طلبتكم لاتردوني

آسفة على الاطالة [/SIZE][/SIZE]