[الهديل]

a7

السلام عليكم ورحمة الله وبركاته أخوتى فى الله
هذه كلمات كتبتها منذ فترة
هى ليست شعرا ولكنها تحمل نوعا من الموسيقى وهى كلمات بالعامية المصرية
لا اعلم هل اضعها هنا ام بمنتدى النثر
لكونها تحمل نوعا من الموسيقى والقافية وضعتها هنا وانا اعلم انها ليست شعرا على حد علمى
فان كانت غير مقبولة هنا فأرجو من المشرفين نقلها لمنتدى الخاطرة إن سامحتم
وسامحونى فى اثقالى عليكم
لكم جزيل الشكر


نفسى أغرق

نفسى فى يوم أغرق يابحر
طول العمر و طول الدهر
سامعهم بيقولوا ده مجنون
البحر أصابه بجنون
وخلاّه بقة بيه مفتون
لدرجة يتمنى الغرق ؟؟؟؟؟؟!!!!!!!!!
للدرجة آدى لعقله سرق ؟؟؟؟؟؟؟؟؟!!!!!!!!
برده هأقول عايز أغرق يا بحر
طول العمر وطول الدهر

/
\
/

ما هو انت مش أى بحر
ده أنت بحر حب وحنان
مليان على مر الأزمان
بحر سمكك رمز الخير
خير كتير يعم الغير
وقواقعك رمز الأمان
حاضنة لآلئك بكل حنان
وشعابك دى رمز الحب
صامد متشعب فى القلب
ألوانه كتير زى الحب
أصل الحب ياناس أنواع
حب الله طبعا أساس
حب الأهل000حب الناس
وطبعا حب الحبيب
إن كان لينا فيه نصيب

/
\
/

لسه بتقوقلوا ده مجنون
وبالبحر كمان مفتون
سيبتلكوا العقل ياعاقلين
مسيركوا فى يوم هتكونوا مجانين
وتسيبوا دنيا العاقلين
وتروحوا على البحر يامساكين

/
\
/

مأهو أصله مش أى بحر
ده بحر كبير اتصور فى قلب
وأهو أصله مش أى قلب
ده قلب طيب لعقلى سرق
وأنا هافضل أتمنى الغرق
وأقول أنا عايز أغرق يابحر
طول العمر وطول الدهر