[موضي]

غفى قلبي عقب ما سبّحت حدب الضلوع ونـام
رقـد مابيـن همّـه والمحـال وظلـم خـلانـه
وقف نبض الكلام ولا بقى غيـر السـلام ختـام
قطع حبل الامل مـن ظيـم صدّاتـه وهجرانـه
نزف جرح وذرف دمع التوجّد والخفوق انضـام
عجز يطوي جديد جروح من صبـره وكتمانـه
كتم لين انكتم من جور ماناش الصويـب سهـام
صبر لين انتهى يـمّ المحـال ولعنـة اوطانـه
غريبة كيف يهوى جرح قلبك صاحبـك مـا دام
هو اللي تهجـر الدنيـا وزينتهـا علـى شانـه
حسافه كنت اضنّه بين جرحي والضلـوع لـزام
يردّ الجرح عن حدب الضلوع ويحمـي اركانـه
احسبه لانتخت كل اليسـوف لطعنهـا بـي قـام
يصيح ويكسر سيوف الطعـون بحـد شامانـه
واثر ما حاش صدري غير سيفه والطعون وشام
وانا ماكنت احسب انه يحـط الصـدر نيشانـه
كوى قلبي بميسام الفـراق ولا نقـص ميسـام
نظم كيـات فرقـا الـروح وانجضّهـا بنيرانـه
لعبّـي كنـه الطفـل الصغيـر وقلبـي المنظـام
مثل بيـتٍ بنـاه مـن التـراب وهـدّ جدرانـه
تمخطر بيـن طيـات الحنايـا والعـروق حْيـام
حرمها تشربه وعـروق قلبـي منـهْ ضميانـه
من اسبابهْ خساير خافقـي يالمسلميـن جسـام
مثل بعض البـلاد اللـي كساهـا فعـل طوفانـه
غرق عمّ البلاد اللـي ديانتهـا كفـر واسـلام
على هول المصـاب تحـومْ غربانـه وعقبانـه
مثل جل المصاب اللي وسم وسط القلوب وسـام
انا قلبي بلـد واكثـر عـروش القلـب تلفانـه
من اسباب الفراق اللي قسم عرش الخفوق اقسام
مثل زلزال مصر اللي هدم في مصـر عمرانـه
يصوم اللي يصوم عن العذاب وصاحبي ماصـام
تحيزم للجروح وسل سيفـه واسـرج حصانـه
غزا قلبي مثل غزو الصليـب وحربهـم للشـام
جحافـل جيشـه وطابـور جنـده دك ميـدانـه
وصدر مرسوم عاجل من جناب الغازي المقـدام
تظمّن بالبيان اعـدام قلـب الشـوق واعوانـه
وغفى قلبي عقب ماسبّحت حدب الضلوع ونـام
رقـد مابيـن همـه والمحـال وظلـم خـلانـه