[شووق1]

هي الأكلة أكلتها في مطعم في دمشق و حبيت نفذا و طلعت كتير طيبة

هي طبق رئيسي بس وضعته في هذا القسم لأنو فعلا مناسب للي بدو يخفف وزنه أو متبع حمية خالية من الدسم الحيوانية و الحريرات الزائدة

الأكلة اسمها
جاج مشوي بالأعشاب

مكوناتها

صدور دجاج على شكل شرائح بسماكة 1 او 1.5 سم
و العدد حسب الكمية الي حابين تعملوها

الأعشاب ، الزعتر الأخضر أو الأوريغانو أساس فيها

أعشاب أخرى ، متل ما بتحبوا ممكن تضيفوا أي شي بيخطر ع بالكن
بقدونس، شبت ، جرجير .. الخ

عصير ليمون

شوية زيت زيتون او زيت نباتي

خل (ممكن يلزم لتطرية الجاج) قبل طهيه

ملح و فلفل

خضار (بطاطا جزر ذرة فليفلة .. الخ)


طريقة العمل

1. الجاج أنا بنقعه بشوية خل مشان يطرى شوي

2. شوي الخضار: بهالوقت بقشر البطاطا و بقطعها كما في الصورة ، و الجزر و الفليفلة و الذرة و ممكن فطر اذا حبيتي .. الخ
بتملحيها و ممكن تضيفي ليمون و رشة فلفل للبطاطا بس
بتصبي عليهن شوية صغيرة زيت و بتغلفي الصينية بورق الأمنيوم و بتحطيها بالفرن على نار هادئة على الرف بارتفاع حوالي 15- 25 سم يعني المهم ما لازم يكون قريب كتير من النار


3.مرحلة الشوي الأولى : رشي الملح و الفلفل عالصدور، بعدها اذا عندك شواية خاصة بكون كتير منيح اذا ما عندك ضعيه في صينية تيفال بالفرن و اشويه

4. المرحلة التانية للشوي: أضيفي الليمون و الزيت و الأعشاب و ضعيه في الشواية و اضغطي حتى يعلم عليه أثر الشوي ، بصير خطوط محمرة شوي شكلها كتير حلو


هون كل شي صار جاهز رتبيها في الطبق و زينيه و قدميها



ملاحظة : للي بحسها ناشفة و ما حابب يعمل ريجيم، ممكن تضيفي معها صحن تحطي فيه صوص
كريم فريش و جواتها بقدونس مفروم فرم ناعم
و هون يلي بدو ممكن بحط بصحنه فوق الدجاج

و صحتين و عافية من اطلاعتي
وصيتي لمن قرا موضوعي {عندما اسري بالرسول الى السماء سمع صوتا يناديه فاذا هو ابراهيم عليه السلام قال يامحمد اقرء امتك مني السلام واخبرهم ان الجنه طيبة التربه عذبة الماء وانهاقيعان غرسها سبحان الله والحمدلله ولااله الا الله والله اكبر } احبائي في الله ماجمل ان نتمثل هذا الحديث ونطبقه في حياتنا اليوميه بارك الله فيكم