[كازانوفا]

كيفكم حبايبي؟؟ ان شاء الله كلكم كويسين



بسم الله نبدأ



اولا
@مقادير العجينه:
2 باكيت بسكوت شاهي(مطحونه)
نص إصبع زبده مذابه في حمام مائي
حليب نستله(لا تحطين العلبه كلها حطي بس إللي يخلي العجينه تتماسك)
ملعقه صغيره مليانه كاكاو بودره..



ثانيا
@طريقه عمل العجينه: أعجني المقادير مضبوط لين تتكون عجينه متماسكه يسهل تشكيلها
ثم يحضر فنجان قهوه ويلبس من الداخل بالسولوفان او بالقصدير
وخذي قطعه من العجين وأفرديها داخل الفنجان من الجوانب وقاع الفنجان بحيث يكون مفرغ من الداخل (يعني بحيث تقدري تعبي الفنجان بالحشوه من الداخل)



ثالثا"
@مقادير الحشوه
نص علبة نستله
6 حبات جبن كيري
علبة قشطه
فنجان شاهي حليب سايل(حليب سعوديه)
شوية فانيليا
ظرف دريم ويب
ربع كاسة سكر ناعم(شبه مطحون)
#إذا تحبين تحطين شوكولاته أو نسكافيه عشان تعطي شكل وطعم براحتك#



رابعا"
@طريقة عمل الحشوة
تخلطين المقادير كلها في الخلاط
أو تحطينها كلها في زبديه(غضاره!!)<<<< على قولة العساريه فديتهم... :)
وبمضرب الكيك تخلطينها مع بعض بس الأفضل في الخلاط عشان ماتتكتل..


خامسا
@طريقة حشو الفنجان بالحشوة
ضعي ملعقة كبيره من الحشوة في الفنجان اللي سبق وغلفتيه بالقصدير او السولوفان (بحيث يصبح مليان بالحشوة الى ثلاثة ارباعه مو كله)
ثم خذي بسكويت أوريو وأفتحيه
ثم أزيلي الكريمه البيضاء إللي بداخله
ثم غطي فتحة الفنجان بطبقة من البسكوت
ودخليه الثلاجه من 15 إلى 30 دقيقه


اخير
أخرجيه من الثلاجه
وإنزعي السولوفان او القصدير بشويش من الفنجان
وإقلبيه في طبق التقديم بحيث يصبح بسكوت أوريو في الأسفل
وكرري نفس الطريقه على جميع الفناجين لين تكتمل المجموعه
بعدها زينيها بشراب الشوكولاته(هيرشي)

وبالهناء والعافيه





اخواتي أتمنى تعجبكم ترى مجربتها روووعة