[* بنت الريـــــآض *]

قصيـدة الشاااب الفقير اللي خطب بنت عمه المليونير,,,
روعـة ,, أترككم معهــاا **
[IMG]http://hajisqssu.******.com/v195.gif[/IMG]

سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن *** أموت واعرف بس من وين جابـه

وإذا سألته قـال بعـت الدكاكيـن *** ما يدري إني ما هضمت الإجابـة

الشاهد إني رحت له قبـل يوميـن *** في قصره العامـر ودقيـت بابـه

[IMG]http://hajisqssu.******.com/v49.gif[/IMG]

قال أرحب أرحب عدّد ورد البساتين *** يا مرحبا باللـي لفـا يـا هلا بـه

قلت البقا عـدّ النفـل والرياحيـن *** يا شيخ شمل أهل الكرم والذرابـه

[IMG]http://hajisqssu.******.com/v49.gif[/IMG]

قال اسلم الله يحفظك لي من العين *** وآمر أوامر حضرتـك مستجابـة

قلت الصراحة طالبٍ قرب غاليـن *** ودي تزوجنـي كريمتـك يـابـه

[IMG]http://hajisqssu.******.com/v49.gif[/IMG]

ثنّى وقال أهليـن والله وسهليـن *** والكون ترخص لجل عينك رقابـه

لكن ترا عندي شـروط وقوانيـن *** قلت اشرط اشرط يا حبيب الغلابـة

[IMG]http://hajisqssu.******.com/v49.gif[/IMG]

قال أولاً مهر العروسـة ثمانيـن *** غير الرسوم وغير حق العصابـة

والثانية عمك يبي منـك سبعيـن *** رسم الأبـوّة والنسـب والقرابـة

وأم العروسة حقها منـك ستيـن *** عشانها ست الحسـن والمهابـة

وإخوانها كلن يبي منـك خمسيـن *** عداً ونقـداً تنـدرج فـي حسابـه

وخواتها الخمس عطهن من ثلاثين *** عشان تتوثـق عـروق النسابـة

وتجيب طقم عيار واحد وعشرين *** وخاتم من الماس المصفى ترابـه

وأكياس متروسة كعوب وفساتيـن *** ألوانهـا وأشكالهـا مـا تشابـه

وموتر بسواقـه وفيـلا بدوريـن *** أثاثهـا مـن بطرتـه ينحكـى بـه

واحجز لنا قاعة بقصر السلاطيـن *** واحجز بهـا رقاصتيـن وربابـه

هذي الشروط اللي على بالي الحين *** وذكرني اللي ما حسبنـا حسابـه

[IMG]http://hajisqssu.******.com/v49.gif[/IMG]

قلت اذكر الله يا عـدو المساكيـن *** واستغفـره لا يبتلـيـك بعـذابـه

الظاهر إنك منت عارف أنا ميـن *** أنا لو أرقى فـوق متـن السحابـه

ما جبت حتى نص درزن مواعيـن *** واضحك بكيفك واعتبرهـا دعابـة

شروطكم هذي شـروط المجانيـن *** شروطكم شغـل ابتـزاز ونهابـه

شروطكم تقصم ظهـور البعاريـن *** شروطكـم همّـن وغـم وكآبـه

شروطكم والله سيوف وسكاكيـن *** تذبح بنات المجتمع مـع شبابـه

وين الرضا والعطف واليسر والليـن *** اللي ذكرهـا الله بمحكـم كتابـه

وين الصفات اللي أمرنا بها الديـن *** وين اختفى نهج النبي والصحابـة

يا عم جعل اللي خلقنا من الطيـن *** يرد عقلك مـن خطـاه لصوابـه

ويجعل نصيبي عند غيرك قل آمين *** ويحسن عزا الصابر ويجزل ثوابه

[IMG]http://hajisqssu.******.com/v49.gif[/IMG]

قال أنت لو فكرت تفكير صاحيـن *** ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن *** وأنت اهتمامك بالشعـر والكتابـة

والشعر ما ينفعك لو هو دواويـن *** ما دام جيبك مثـل بيـت الخرابـة

يا بوك لا تسمع كلام المصاخيـن *** واسأل مجرب عاش في وسط غابه

[IMG]http://hajisqssu.******.com/v49.gif[/IMG]

قلت الله أكبر يا محـرر فلسطيـن *** من يسمعك يحسبك ذيـب الذيابـه

تراك شايب رأس مالـك رياليـن *** والبنت ما تسوى جنـاح الذبابـة

[IMG]http://hajisqssu.******.com/v49.gif[/IMG]

قال انقلع مالت على وجهك الشين *** لا عاد أشوفـك عندنـا

يالزلابة

[IMG]http://hajisqssu.******.com/v49.gif[/IMG]

قلت ابشر أبشر لكن الباب من وين *** وأقفيت من عنده على صوت بابـه

ان شاااء الله تعجبكـــــــم **

**مما أعجبني ** [IMG]http://hajisqssu.******.com/v152.gif[/IMG]