[جوري الشرقية]

تدرون وش صار لزوجة خالي وخالتها
اليكم القصة.........
كان يا مكان في احد المواقع شات صوتي ...الكل يعرفه طبعاً.....
دخلت جوري اللي هي انا ..... تصفيق حار الله يسلمكم ....
والله لا يوريكم .... الاستقبال الحافل....
- - - - - - - - - - - - - - - - - - - - - - - - - -
هلا جوري .... كيف الحال....
- - - - - - - - - - - - - - - - - - - - - - - - - -
و أنا أقول في نفسي دقيقة ليش العجلة بعدل شكلي توني صاحية من النوم ..... ( أقصد الخط لا تروحون بعيد)
صحيح هذي ضريبة الشهرة. المرة الثانية راح ادخل باسم ثاني.
- - - - - - - - - - - - - - - - - - - - - - - - - -
مسكت الكيبورد و هو يقول يا معين شكلي راح الحق اللي قبلي... قلت اهجد من قدك رفيق دربي
وستلمت الكيبورد ... و لسان حاله يقول متى اتقاعد ...قلت بدري عليك بدري
وصرت اكتب وكل زر أخذ حقه من الضرب.
جوري to all السلام عليكم ورحمة الله وبركاته
جوري to all بخير دامك بخير
و مع الانفعال أرد على ذاك ... و امزح مع ذيك ...
دخل مين.... تتوقعون مين ... الله يهديكم .... تعظيم سلام ....
المفسرة بارعة الله يطول في عمرها....
- - - - - - - - - - - - - - - - - - - - - - - - - -
قمت ارتجف كني طالبة ادخلت عليها معلمتها....
بارعة op to all السلام عليكم ورحمة الله وبركاته.
بارعة op to all اكتب رؤياك يا فلان
و هكذا حتى جا دوري...
و قلت الحلم الخاص بزوجة خالي و كان تفسيره:
زوجة خالك تبي بيت سعيد و لكن الأسلوب الذي تستخدمه مع زوجها غلط ما ينفع لازم تغير أسلوبها معه حتى تكون النتائج أفضل والله اعلم .
تدرون اللي مستغربه منه كيف بارعة أعرفت ان زوجة خالي ابدوية هو من مناسيب الخيمة اللي في الحلم.
المهم عاد وناسه رحت للتلفون ....
وينك ... وش مسويه بخالي وش فيك عليه ...(و استلمت حرمة خالي)
و في النهاية أفهمت المقصود وغيرت الأسلوب وانبسط خالي المزيون.
الحين تتفرج على البرامج الخاصة بالأسرة و كيفية التعامل مع الزوج .... الله يسعدهم.
- - - - - - - - - - - - - - - - - - - - - - - - - -
وبعدها بيوم اتصلت زوجة خالي...
قالت: هلا ........عاد اسمي الحقيقي اكمل الفراغ.
قلت : هلا فيك نعم أمري وش عندك صار مالي شغله الا انت و خالي . يوه متى اتزوج و افتك منكم.
قالت: لا يا عمري مالي احد غيرك.
قلت: المصالح تلعب دور ...نعم.
قالت: هذا حلم خالتي فسريه.
- - - - - - - - - - - - - - - - - - - - - - - - - -
طبعاً تدرون وش صار مالي غير بارعة.... قلت لها الرؤيا...
و كان تفسيره : الموضوع يتعلق بامرأة .... رجالها راح يفكر يتزوج عليها أو يخطب و لكن لا يتم ذلك مو علشانها علشان أعياله . و الله أعلم .
- - - - - - - - - - - - - - - - - - - - - - - - - -
كلمت زوجة خالي....
قلت الحقي على خالتك زوجها ناوي نية
قالت: صارت النية.
قلت وشهي.
قالت خطب.
قلت : هذا اللي كنت بقوله....
قالت : وش تسوي.
قلت : خليها تغير في نفسها تقص الشعر ............ الخ سوالف حريم مثلكم داري.
- - - - - - - - - - - - - - - - - - - - - - - - - -
الحين الحرمة تلعب لعب غيرت الأسلوب و قصت الشعر ويوم شافها زوجها قال وشفيك انهبلتي .
- - - - - - - - - - - - - - - - - - - - - - - - - -
شكراً بارعة... أول التفسير تحقق باقي الجزء الثاني منه بإذن الله يرى النور قريباً ... ويشيل الرجال فكرة الزواج على أم أعياله.
- - - - - - - - - - - - - - - - - - - - - - - - - -
أختي بارعة جزاك الله عنا عظيم الجزاء....
و جعله الله في موازين حسناتك يوم لقاءه....
اللهم ارزقها لذة النظر لوجهك الكريم و صحبة رسولك محمد صلى الله عليه و سلم و جنتك جنة الفردوس الأعلى.......
اللــــــهـــــــــــم آمــــيــــــــــــن
ملاحظة هامة : شفتي أختي بارعة وش نتيجة تفسير الأحلام حياة جديدة