[حنايا الروح&]

السلام عليكم ورحمة الله وبركاته
جسمك محتاج لعناية منك حتى يحافظ على نعومته وشبابه .. يعني مايكفي انك تعتني بوجهك وتتركي جسمك لا...

لازم تداومي على تقشيره وصنفرته وترطيبه علشان يحافظ على حيويته ومرونته وبالتالي يقاوم التشققات اللي تظهر بعد السمنه المفاجئه أو الحمل وغيره ...
وطبعا لاغنى عن التغذيه الصحيه اللي لها الأثر الكبير في صحة الجلد وشبابه وكذالك الرياضه ...

أنا بسوي لكم جدول عناية متكامل يشمل : إزالة السواد من بعض المناطق ، التنظيف والتقشير ،بعض الوصفات الخاصه بشد الجسم وتجميله وتطهيره ، الترطيب

والمواد المستخدمه طبيعيه وتقدرين تعملينها في البيت ..

أولاً: إزالة السواد من بعض المناطق :
1/ وضع زيت زيتون على المنطقه السوداء سواء الركبه أو الكوع أو غيره وفركه بنصف ليمونه مغطسه بملح ناعم
2/ فرك المنطقه بنصف ليمونه مغطسه في بيكربونات الصوديوم
3/ كميات متساويه من : الليمون ، خل التفاح ، ماء الورد . اخلطيهم وادهنيهم على المنطقه ..

طبعا الخلطات هذي قبل الحمام ....
إذا تبغي نتيجه سريعه أستخدمي بعد الحمام :
ادهني المناطق السوداء بالجلسرين مع الليمون ...
أو تدهنيهم بزيت الورد .. طبعا كل يوم بعد الحمام وقبل ماتنامي .. وفي الصباح اغسليهم ..


ثانيا : التقشير :
اخلطي كميات متساويه من الليمون ، زيت الزيتون ، ملح ناعم ، سكر خشن ادهني جسمك فيهم وخليكي ساعه او نصف ساعه على الاقل .. في حمام مليء بالبخار
بعد كذا افركي جسمك وشوفي الاوساخ اللي بتطلع ..... وامسحي جسمك بفوطه قديمه ..

بعد كذا اغسلي جسمك بماء دافي وجل الاستحمام او الصنفره وافركيه بالليفه ..واغسليه
بتحسي بنعووووومه ولا نعومة الاطفال من اول مره تستخدميها
ومع كثرة الاستخدام بيتفتح لون الجسم وبيصير كله لون واحد
صدقوني رهيييبه الوصفه هذي ومجربه ..


ثالثاً: ترطيب الجسم :
1/ مهم بعد الاستحمام وبعد ماتجففي جسمك رشيه بموية الورد (جيبي بخاخ المويه وعبيه ماء ورد ) وبعد مايجف استخدمي المرطب اللي تحبي

2/زيت اللوز الحلو : مفيد جداً في شد الجلد وأكسابه المرونه ..

3/ يستخدم في عمل مساج للجلد
زبدة الكاكاو (علبه كامله ) ، نصف علبه جلسوليد ، زيت لوز حلو
اخلطيهم مع بعض وادهني فيهم جسمك بعد الحمام ..
هذى المرطب ثقيل شوي لذلك ينفع بعد ماتعملي تقشير لجسمك .. فهو يعطيك نعوووومه وليووونه ويوحد لون الجسم ...
اذا حابه تحطيه قبل الحمام اضيفي عليه عصير ليمونه وحطيه في الليل وفي الصباح استحمي

واتمنى اني افدتكم