[أحمد 2211]

ماكسبت من الحكي ؛ إلا الحكـي
وماربحت من الجروح إلا الجروح
لك زمانٍ صامـتٍ مـا تشتكـي
ولك زمان تحنّي اكفوف الطّمـوح
ولا مليت السّعن من جـمّ الركـي
كل مايرد الدّلـو عـوّد شحـوح
في ملاعيب الزّمن بـار الذكـي
الجبل ما يوهنـه وعـلٍ نطـوح
ولوّ عيون اليتم ؛ يجفاهـا البكـي
في اليتاما ماجفـا حـزنٍ لحـوح
مثل ماحزنـك بصـدرك متكـي
مثل ما ضعفك جبن وزرا يبـوح
العظايـم مايفجـرهـا النـكـي
والصغاير كـل ماجاتـك تنـوح
أبيضـك أشهـب وليلـك ليلكـي
رؤيتك ماعمرها شافت وضـوح
يا فقيّيّر ؛ والعشـم لـك مرتكـي
بالوعود اللي جسد من دون روح
كل ما تطوى بك الصفحـة لكـي
يجحدونك جيت في وجه سمـوح
وأنت أنت ؛ ولو كووك بألف كي!
قلت جات ومثلهـا ماجـا يـروح
وش كسبت من الحكي ؛إلا الحكي
يا أخي خلّك فطن لاتكون لـوح!

..

..وسلامتكم