[يارب الجنة يارب]

على طول بدخل بالقصه بعد السلام عليكم
كانت امي بعيده عني بشكل يضايقني, طبعا امي يتيمه وتربت عند اخوها المهم امي ماادري ليش بس اذا شافتني تقعد

تهاوش وتنقد ماقد سمعت او شفت منها كلمه حنونه حتى اذا جيت من المدرسه ابي اسلم عليها او احظنها


او اتطمن عليها تبدا بالهوااش واذا مالقت شيئ قالت انتي ماتشتغلين او انتي ماتكلين اوو اي شيئ

بس تحب تهاااوش واذا هدات رحت لها قلت يمه والله انا اسفه وخلاص انا ابصير اللي تبيه تعصصصصب

بس انطمي مافيس خير واحيانا تقسى اكثر وتتطنز المهم محاولاتي معها ماتنفع ابدا

صرت اذا صارت بطريق اصير في طريق ثااني وعسى اسلم من الهوااش

المهم كانت امي تكرهني جدااا حتى لدرجه انها تقومني برجلها من النوووم وتهزاني عند ابوي واخواني
يوم كنت صغيره كنت اشوف عمتي تعطي ولدها الصغير لقمه رز مع جريش تسويه زي الدايره انا من الصحن الثاني اقوم واروح لعمتي واخذ منها لقمه وارجع لصحن للي فيه امي عمتي حنوووونه بشكل ماشاء الله عليها
ويوم كنت صغيره اتذكر مره ربطتني في غساله براا عند الحوش والشمس حاااااره ارفع رجل وانزل رجل

واصييييح يمه تكفين يمه واناديها بقلبي قبل لساني وتقول لي تتوبين انا ايه اتوووووب والله مااتذكر شيئ سويته

ابداااا واتذكر يوم كنت في المتوسط رمت كتبي واغرااضي كلش براا الحوش وقفلت الباب وتقول اطلعي انا ماابيك انتي مو بنتي وانا ماسويت شيئ آه يالقهرررر

انا الحين عمري في العشرين بس ماثر فيني يقوه تغيرت حيااتي كيف وصارت امي تحبني ؟؟؟اشلون

توفي اخوي الله يغفر له ويرحمه اللي كان اعز شيئ املكه في الدنيا وكنا في معاناتنا سوى وبسبب معاناتنا قوة العلاقه بينا وانا ماعندي اخوات

المهم كانت صدمه قويه علي وللحين مانسيتها اقوم بوسط الليل يالله صدق اخوي مات اتذكره يوم ويوم في كل مكان اتذكر


المهم امي تعبت في العزاء وكنت اراكض معها اجيب عصير ومره مويه ومره وساده وتدوخ انا مع زحمة الاحداث ماصحت ولاشيئ كنت خايفه اني افقد امي زي مافقدت اخوي طبعا مااحد واساني ولا شيئ انا اواسي امي وبس
جت جارتنا عجوز وكبيره في السن قالت من انتي انا قلت انا و.....اخت هي حظنتني بقوووووووووه انا من دووون مااحس
صرت اشااهق وابكي بصراحه ماادري شعليه يمكن على حنانها امي كانت تناظر قامت تبكي وطلعت من المجلس
لغرفتها راحت معها خالتي,, امي فتحت الباب شوووي وتطل على العجووز هي واختها (خالتي )انا مستغربه وش يطالعون ؟؟
يطالعون العجوز قالت امي ياليتها امنا وقعدون يصيحووووووون<<موفق يفطر القلب ويتحاضنون وطلعوا وجلسوا جنبها وهم كبار في الاربعين
انا استغربت مررا من المشهد وقعدت اصيح رحمت امي وخالتي وطلعت معهم وجلسوا جنب العجوز
ومدت يدهاالعجوز تاشر قامت خالتي مدت يديها الثنتين ؟؟؟
تحسبها بتحضنها هههههه موقف مضحك ومبكي

امي بعدها تغيرت وصارت حنونه علي سبحان الله يارب تديم النعمه اللي انا فيها

انتهت القصه

اتمنى اعجبتكم