[وفااا]

ياخاطري مايفيد الضيق والحسرة = والحزن قتال لا هبت اعصايره
لاتحسب اللي جرالي في الهوى كسره = الغصن عايش ولو طارت عصافيره
يا صاحبي من سوايا القلب لاتشره = القلب باقي على ذكرى مساييره
من قسوة البرد عندي للدفـا جمرة=جمرة غضى تشتعل بالهم والحيرة
أحيان اشوف الخفوق يحب مايكره= واجيب لجله عذر واقبل معاذييره
واحيان اشوف الجفا يطغى على صبره = يهز عرش الضلوع ومالقى ديره
ياويل قلبي باترحل كمل السهرة = ماراح نلقى من الأحزان تأشيره
لاتحسب اللي جرالي في الهوى كسره = الغصن عايش ولو طارت عصافيره

ياصاحبي

ياصاحبي الدنيا كـذا .. تمشي وترمينا تعـبـ
سيف يطول أرقابنا }غصب{ علينا تسحبه !!

ياصاحبي الدنيا كذا نار ومعالمنا حطـب
تاكل شباب اجسادنا لباقي قصيد نكتبه !!

ياصاحبي ليه الشقا لأجمل موارينا نهب
ليه العمر ياصاحبي عجزت فضوله تشربه !!

ليه (النحاس) فـ عصرنا سرق مصاديق الذهب
ليه السكوت يحدنا نبقى خناجر لأكذبه !!

آه وكم آه أقولها والله غصب
مدري يهيجني الخطا ولا الخطا مانعجبه !!

الوقت هذا صاحبي مايكتب للي ماكتب
لا للغبـى ولا للركود ماظل شي نحطبه !!

إكتب كذا وانفي اذا محد يعارض ماتحب
لكن توخى صاحبي بعض الوجيه (المكلبه) !!

ياصاحبي الدنيا كذا تبقى ونبقى للتعب
مافاد بعيون الغبي شي من اللي نتعبه !!

:
:
:
: