[غيوم ممطره]

السلام عليكم ورحمة الله وبركاته



لاتعتذر


لاتعتذر مادام قالوا حجة الغايب معه
الوصل ماهو في يدك ينصاع ولا في يدي

الوصل بيدين الظروف الراهنه والمزمعه
ولاني مسيء الظن مادام الغصن توه ندي

أقطف ثمر حبن زرعته قبل هجرن يشلعه
حرام يذوي والتعب باللي زرعناه يغدي

مسقيه صافي دمع عيني لين جفف مدمعه
ومظلله مرباع قلبن لاعشق ماهو ردي

وموسده صدرن اليا قفيت يزداد وجعه
ويضيق لامنك مشيت وصرت أنا معه وحدي

وأن كانك مصمم على ضيقه عقب طول السعه
عسى الطريق اللي يقفي بك يضيع ابه جهدي

وأطيح مثل الفارس اليا طاح وسط المعمعه
أمسي أون من الجروح اللي توالت بجسدي

متذكرن لاغاب زولك قبل لاأذكر مطلعه
وسوالفن كنه بفم داعي على الدين يهدي

وشهدن اليا منك حكيت وقلت انا لايبلعه
متشفق لشوفه اليا منه كسى صف بردي

حسيبك الله لاتمد المر وتقول أجرعه
وألطف بحال اللي بنورك ياحبيبي مهتدي

مع أن شوفة ناظرك يالترف أكبر مطمعه
لكن ظروفك في ظروفي ماتهيا تقتدي

وأن كانها بالعذر قالوا حجة الغايب معه
لأن الوصل ماهو بيدك ينصاع ولا في يدي.

:::::::::::::::::::::::::::::
للشاعر/خالد المخيدش.