[خلووووود الخالد]

جتني قصيدة خلت البال محتاس = مرثية ٍ فالشيخ (شيخ القبيلة )
ابو محمد طيب الذكر والساس = من شيخنا فهد العصيمي جزيلة
يومه تجرع موته المر في كاس = كاس الفراق اللي ابد ما مثيله
مرثية ٍ من قلب مرهف وحسّــاس = قلب الخليل اللي توارى خليله
ابوه واغلى منه مافيه فالناس = الوالد اللي ما يلاقي بديله
اللي بذكره يفخر ويرفع الراس = وفقده يساوي فقد والله قبيلة
راح وتوارى راح مابين الارماس = من عقب ماكل ٍ يجي ويعني له
أمسى مكانه خالي ٍ يشكي الياس = يقول : وينه ياعرب؟ عزتي له
فاقد سواليفه وصوته والانفاس = يا كبرها يا فهد خرمة رحيله
يا الله فالجنة مكانه ولا باس = عليه . وانسام الجنان العليلة
تجيه في قبره معا كل نسناس = ويبتل قبره كل صبح ٍ وليله