[Sabreena]

السلام عليكم ورحمه الله وبركاته

اولا انا من تزوجت كنت امرض كثير اخرج من مرض ادخل بمرض ثاني وماكان عندي ذره شك اني ممسوسه او محسوده او معيونه
بعدها بحول سنه وعليها يمكن لون بشرتي تغير مره صار باهت اصفر غريب وجاني اكتئاب شديد وزادت الاعراض اكثر من وقت ماسمعت رقيه بجوالي بالغلط وتعبت وكنت لحالي بالبيت صرت ابكي بشكل هستيري وماقدرت اشيل نفسي من مكاني فمي ماكنت اقدر اتحكم فيه ابدا حتى انتهت الرقيه وكانت مو كامله اصلا كم دقيقه مره ما استوعبت اللي صار وكنت احسب اني متضايقه وبكيت فقط
لاكن الامر الادهى صرت احس ان في احد معايه بالبيت واحس فيه قريب راسي لانمت واحس بشخص ينام بيني وبين زوجي صرت اكره زوجي بشكل مو طبيعي وزادت الاعراض عليه لدرجه انو احد يصحيني من نومي بصرخه قويه صوت حاااااد جدا موطبيعي وقمت مبهوزه قلبي بيطلع من مكانه قلت يمكن يتهيأ لي
وتكرر معايه هالشي مره حول الساعه ثلاث الفجر رحت بقضي حاجتي الله يكرمكم نفس الصرخه بأذني اليسار كان الصوت حاد مره مدري كيف اوصفه قلت انا صاحيه واسمع هالصوت بس ماتحرك لي ساكن كملت وطلعت من الحمام ورحت انام زوجي بمجرد مايقرب مني احس جسمي ينقلب بركان حراره وغير العصبيه بدون سبب اهلي صارو يشكو لما شافوني متغيره قال زوجي خليني اجرب اوديك لراقي بس كذا نتطمن وادري مافيك الا العافيه رحت معاه وانا متأكده اني بخير بس مجرد ماقالي صرت احس خطواتي ثقيله ويوم انا رايحه للشيخ ماقدرت مجرد مابدا يقرا اقول ايش صار لي بعدها ماعاد دريت بشي الصراحه من المغرب للعشاء وانا مدري بشي حتى فقت وجسمي كأن فيه مكاوي بالذات فخودي كأن احد جاب حطب وكوى فخودي وكانت مورمه جلست اسبوع اعاني من الوجع


استمريت ع العلاج واهلي شكو بناس معينه وجابو لي اثر مسحو عتبه بيتهم ومقبض الباب زوجي قرا فيه المعوذتين وسور مدري عنه جا قالي تعالي وجلست اشوفه مجرد ماشفت المويا كنت ابكي واقوله الله يخليك لاتغسلني والله ياناس احس مو انا ما ادري ليه كذا اقول زوجي رشني بالمويا من فوق راسي اغمى عليه وكنت اصرخ صراخ قوي وكنت اتحسب على وحده بالاسم زوجي قالي بإسمها مجرد ماقمت شفت اطراف يدي ورجولي وشفايفي زرقاء لاكن بشرتي لونها تغير والله اللذي لا اله الا هو حسيت جسمي خفيييف عكس اول ولوني رجع بس شعري صار يتساقط بكثره مرررره وخف هالشي ورجع تساقط اكثر سويت كشف للغدد والدم كويسه الحمدلله بس نقص ببعض الفيتامينات



امس فسرت رؤيه اكتشف انو لازم ارجع لراقي لاكن رقيت نفسي بالفاتحه قبل النوم وكنت اثائب كثييير وجسمي ثقل وحطيت على بطني وفرجي زيت مقري فيه حلتيت حسيت بألم في رحمي قلت يمكن لان عندي الدوره مع اني مخلصه خلاص منها ودهنت ظهري كمان حسيت بألم انا اقول ما ابغى ارجع لنفس الموال لاني بدنياً ونفسياً تعبت ومبغى ارجع لراقي لاني تكشفت عند الراقي القديم وكرهت نفسي من هالشي


قلت بقرأ سوره البقره كل يوم وارقي بالفاتحه سبع مرات او اكثر قبل النوم


ابي نصيحتكم ياجماعه الخير يعلم الله اني في هم مجرد ماعرفت التعبير جا بيالي اني برجع لنفس التعب والمشاكل