[أمنية2010]

بسم الله الرحمن الرحيم

تفسر لي بعض الأحلام على أني بحاجة للرقية, قرأت كثير عن الأعراض مثل كثرة أحلام مزعجة أو أعراض كثيرة وماهي عندي. صحيح عندي بعض الأعراض بس خفيفة مقارنة بغيري. سؤالي ليش أرقي؟ أنا الفترة الأخيرة أكثر شئ لاحظته يزعجني هو الكسل عندي كسل رهيب لأي شئ فيه مصلحتي من مذاكرة أوعبادة. فيه فترات من حياتي كنت العكس تماما يعني كنت أقدر أشد على نفسي وألتزم بالشئ اللي أعرف انه لمصلحتي حتى بفترة طفولتي كنت أقوى من اللي أنا فيه ألحين. مرات أقول راح أرقي نفسي بس بعدين أقول ليش ..أنا ماراح ألتزم فيها لأن مشكلتي أصلا هي الكسل. ومرات أقول خلاص بحاول لكن لما أقرأ انه الأعراض تسوء أو الأعراض تكون قوية أقول ليش أرقي وأنا أصلا ماعندي شئ واضح وقوي. وأتخيل لو رقيت نفسي ولقيت أعراض تعكر علي يومي وتخوفني أقول مابي أجازف. أنا في غربة وأظل فترات طويلة بعيدة عن أهلي وماعندي ثقة في اني أروح لراقي في دولة أجنبية وأفضل اني أرقي نفسي وأكره أروح في تجمعات مرضى لأن يزيد خوفي لما أشوفهم. ومرات أفكر بأهلي أو معارفي أو اللي أقرأ قصصهم بالنت أقول مو شرط الرقية كانت علاجهم. وانه أكتفي بالدعاء مثلا والأذكار اليومية.

لكن أظل أفكر وأنا غير متشجعة على الرقية للأسباب اللي ذكرتها.