[ريشة قلم]

بسم الله الرحمن الرحيم

سألتكم بالله تساعدوني لأني وربي ماحد حاس فيني وما أحد أقدر أشتكي له غيركم
وأبغاكم تحلون لي المشكله أو تعطوني نصايح
بقولكم قصتي
هذا أنا لما كنت بصف ثاني إبتدائي كانت عندي خالتي كانت توها مادخلت المدرسه
رحنا فوق وفتحنا الشباك الصباح كان البيت كله نايم وانا عندي اخت صغيره عمرها 3 سنوات كان في شاب ولد جيراننا بس كانو مايعرفونا ولا نعرفهم في الحديقه حقتنا قاعد يلاعب أختي خالتي بدت تسبه وتسب وتسب >>>تعرفون البزران
وأنا ساكته وهو جلس يناظرنا وهو ساكت جت أختي الكبيره ونزلتنا من الشباك
سار هذا الشاب يلاحقني لما أروح للبقاله يشتري من حسابي واسكت أنا أحيانا أدخل البقاله وهو طالع يرجع ويدخل ويناظر وهو ساكت
مره كانوا أهلي طالعين من البيت مافيه أحد غيري بالبيت والخدم
إتصل التلفون قلت الو قالي أنتي بالبيت لوحدك سكرت التلفون في وجه سار يدق ويدق وما أرد عليه نقلنا من البيت معنو كان البيت عزييز على قلبي مع العلم أنو أهلي ماكانوا يدرون عن السالفه
لما نرحنا للبيت الجديد إتصلت علي بنت قالت إشتقنا لك وأنو الحاره ظلام من بعدك قلت لها مين وما قلت لها ولا حرف قالتوأنو أخو مشتاق لك تبين تكلمينه ؟؟ قلتلها أنتي قليلة أدب صحييح وسكرت التلفون في وجهها وطلعت وقلت لأهلي عن المكالمه أنا كنت ما أعرف أنه هو
هذا الكلام كنت بصف ثاني متوسط وإرتحت منه 3 سنوات لما رحت للثانويه كانت أخته في المدرسه نفسها إللي أنا فيها
وهو ساار حافظ شكلي لو أدخل بين مليون بنت يطلعني من بينهم المهم مره كنت بروح لسيارتنا وكان ولد عمي مع السواق وسلم عليه وانا ماكنت أدري أنه هو ودخلت من بين السيارتين وربي لو تشوفوون كيف كان يناظر يشكك الواحد في نفسه ركبت السياره وعيوني على طوول أمتلت دمووع سار كل يوم يوقف ورا سيارتنا أنا قلت لخالتي السالفه وخالتي راحت وقالت لأمي السالفه وعرف أبوي السالفه المصيبه أن أبوي له شغل معه كان يجيب له العمال للشركه ومايقدر يتخلى عنه
كلمه أبوي وقال وش عندك قال لا أصلا أنا هذي مثل أختي وأني أنا بس أروح عشان أجيب أختي وهو أصلا كذاب لو أنه لأخته وبس كان إذا ركبت أخته السياره مشى بس هو يستنى لين أنا أركب بسيارتنا بعدين يمشي المهم بعد إتصال أبوي بيومين غير سيارته ووقف جنب سيارتنا وأنا أمشي ما أدري مين هو قالي أنا أحبك يا .. والله أحبك أحلف بالله أني أحبك وطلع هو الله ياخذه والمشكله هو متزوج
المهم أنا سرت مستحيل أطلع بدون وحده تجي معي من صديقاتي مره كنت أمشي وأدري أنه هو سار يناديني وأنا أمشي وساكته وصديقيتي تقول خليني أروح وافضحه قلتلها لا لا تسوين شي مو لازم الفضايح المهم غيرت مكانإللي يوقف فيه السواق قلتله يوقف في آآخر الشارع وشافني وسار يوقف في آخر الشارع
الإسبوع الماضي قلت للسواق يوقف في الجهه الثانيه يوم الإثنين وهو ماشي شافني وانا أمشي وربي لو تشوفون كيف سوا لدرجة تخيلو كان لابس نظارات شال النظارات وفتح فمه

هذ الكلام وربي يشهد علي أني مازودت ولا نقصت ولا حرف
طالبتكم وش أسوي عشان يروح عني أنا ما أحبه أكرههكره العمى وهو متزوج وعنده عيال صغار وبعدين هو من قبيله وأنا من قبيله والقبيلتين ما تتوافق أبد ولله الحمد
بس هو مو راضي يخليني بحالي مع أني ما أعطيه وجه وباين من تصرفاتي اني أكرهه مثل يوم خليت السايق يوقف بعيد
مع ان الكل يشهد بأخلاقه وانه محترم وشخص ناجح بس والله ماأدري وش أسوي
وعلتهم همج لو راح أقوال لأخوي يتناقش معه ماأضمن أخوي يرجع للبيت سالم
بس انا مره خايفه منه مع اني مستبعده انه يمكن يخطفني لان جته فرص كثيره أنه يخطفني بس ما سواها مثل لما أكون أمشي بأشارع لحالي لمل كنا بالحي القديم
ولا سواها كان يضل يمشي بسيارته وراي ولاوصلت راح؟؟؟؟؟
بس ماأدري وش يبي أو وش معنى ها الحركات هذا اللي ذابحني

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

شكرا لحسن إستماعكم لي وربي يحطه في موازين حسناتكم