[عبد الله الصالح ,,]

السلام عليكم ..
صباح / مساء الخير وحب الوطن ..

ــــــــــــــــــــــــــــــــــــــــــــــــــ ـــــ

زيد يالهاجوس هذا الوقت ليه شاعرك يضرب دروب المهمهيه ..
شوش ياراسي على اللحن الحماسي وغني ياحاتم بالالحان القويه ..
الـوطن تـنزف علشانه دمانا الشجاعة طبع فـ النفـس الابيـه ..
يابلادي واصلي والله معاكِ كلنا ياموطني لاجلك ضحيه
الحروب هي دربنا يمٌ المعالي بالفعايل ماطلبناها عطيه ..
رددي الله أكبر يابلادي لايهمك ديننا الدافع وحبك والحميه ..
غطرفي حنا حماة الدين حنا ماتركنا لاهلنا غير الوصيه ..
مالنا وانفسنا وارواحنا لك طايره في الجو وارضك مدفعيه ..
في الطلب جيناك في الصف الامامي حزةٍ يعذر خوي في خويه ..
كلنا كلمة رجل واحد محنك ضابط الميدان وافراد السريه ..
من يعاديك ابشري حنا عدوه درع ثابت والبنادق في يديه ..
ياوطنا لانكشف ستر العذارى والله مارضينا بالسويه ..
السلامه في بعض الاحيان اهانه والعدو مابين ذيك وذيه ..
يشتري سلامته ويصد عنا او يجي ويطيح ف النار اللظيه ..
ياوطنا لاتفكر في عدوك المسمى ماعلينا من سميه ..
ديننا لا من ومرنا ماعصينا اعتبرنا مهبٌل بحبك كذيه ..
مشكلتنا مهبل مهبل مهبل لادعانا الموت فينا جاهليه ..
طبعنا يوم التحدي والعنادي صبت القومان صب الشاذليه ..
http://safeshare.tv/w/mRQWLnbBqV