[أبو ألياس]

عبرت هذه الرؤيا عند معبرين واحد قال لي حديث نفس والاخر قال حلم من الشيطان ويجب عدم الاﻷلتفات لها ...

حلمت اني جالس انا وامي واخي عبدالعزيز وكنا نستمع لتسجيل مكالمه لاخ لي اخر اسمه سلطان مع زوجته وكان هو يقول كيف تقولين ابغاك وابوك يقول ما يبغاني وكان زعلان واثناء ذلك مرت زوجتي التي هي في الحقيقه تصير اخت زوجة اخي وكنت تستمع للكلام وتضايقت من الكلام ومن ابوها انه كيف رافض بعدها انتقل بي المشهد و رئيت كاني جالس انا وامي وكانت جالسه معنا احد خالاتي واسمها جميله كانت جالسه على يميني واناظر لوجهها ومليان شعر صغير (يشبه شعر وجه الرجل عندما يبدأ بالظهور) وكان وجهها فيه ظلمه ( سمره ) وكانت تتكلم ويطلع ريحة دخان كريهه من فمها وانا اتقرفت واقول في نفسي اوف وش ريحة الدخان الشينه وانتهت.

ملاحظه ..
اخي سلطان وزوجته متهاوشين وزوجته واسمها ناديه الان في بيت ابوها ...
زوجتي مها واختها ناديه يصيرون بنات خالتي واسمها سميره ...
خالتي جميله تصير اخت لامي وخالتي سميره وهي اصغرهم ...
المشكله التي حصلت بين اخي وزوجته كبيره جدا وبعدما راحت زوجته عند ابوها ظهر كلام بان ابوها لا يريد ان يرجعها لاخي ولاكن الاب تحدث معنا وكان قمة الاخلاق ويرغب انهم يرجعون لبعض. وكل يوم يطلع كلام شكل ولون وتجريح ولا ادري كيف يحصل؟
خالتي جميله فجأه صارت داخله معنا في المشكله على اساس انها واقفه مع امي ضد اختهم الثانيه. ولاكن كل ما للموضوع يتطور والمشكله تزيد ويخرج كلام من كلا الاطراف يجرح وكل واحد يقول لم اقول وكأن فيه شيطان من الجن او من الانس يزرع المشاكل ويكبرها.

ياليت احد يساعدني ان كانت هيا رؤيا ام حديث نفس .. لاني ادعو ان يكشف الله من يزرع الحقد بعد ان كنا عائله ملتئمه.