[جمانة الرشيدي]

ياهواجس غيّمي جـو فكري بالقصـيد
..........وامطري وان شحّت السحب ثوري وارعدي
طالت ايام انتظاري على رجوى الجديد
..............والليالي وان تمهّلت بالعمـر تعدي
إن نشّدت اليوم ولاّ فلا عاد النشيد
.........وش له اسهر تالي الليل واجفا مرقدي
والله انـّي بالنسب للشعر ماني بعيد
..........وان بغيت اوصّف القرب من وين ابتدي
يابعـض روحي وياكلّ حزن وكلّ عيد
...........من قبل لا يزهر الغصـن بالورد الندي
لايهمّك من تغاضى عن الراي السديد
...........العمى لو يطلع الصبح ليـلـه سرمدي
يوم غيرك هـيّن الباس لك بـاسٍ شديد
..............ما تقـدّى يـوم غـيرك بغـيره يقـتدي
غيرك اللي راحلٍ في ظهر شعره طريـد
.......في ضـلاله واكـثر الناس تحـسبه يهدي
غيرك اللي كان حرٍّ وصارمن العبيد
.......ما ترك له باب بيتٍ درى ان فيه اجودي