[منيره العتيبي]

بسم الله الرحمن الرحيم



والصلاة والسلام على اشرف الانبياء والمرسلين نبينا محمد عليه افضل الصلوات والتسليم

صبحكم الله بالخير اخواتي واخواني بصراحه ترددت كثير قبل اكتب هالموضوع لخوفي ان البعض يفهمه على انه استهزاء باحد او ماشابه00

لكن بعد اجتماعات عقدتها معي انا ونفسي قررت اطلقه واخليه يشوف النور 00

موضوعي هو طرائفنا مع المعبرين؟


يعني ياليت كل اخت او اخ في هالمنتدى يقولنا على اطرف موقف حصل له شخصيا مع المفسرين وراح اكون انا اوول وحده,,


كنت اتصل على احد المشايخ لمدة سنتين متواصلات وكل مااقوله رؤيا يقولي هذي زواج لك


واروح اطامر عند اهلي واقول ابشركم اني بعرس فصلولكم ثياب

وعلى هالموال لمدة سنتين وفي اخر السنه الثانيه, اتصلت عليه وقلت له رؤيا قال ماشاء الله هذا زواج والله اعلم قلت يااشيخ انا لي سنتين اتصل عليك وتقولي زواج وللحين مااعرست ؟

قال اصبري يابنتي الصبر محمود ,نبينا يوسف رؤياه تحققت بعد اربعين سنه!! اصبري قلت يااقردي يااشيخ كان بصبر اربعين سنه ضحك وقال لي ان شالله ماتاصل اربعين سنه وتتحقق قريب

وتسبدي قلبت علي وانا انتظر هالرؤيا تتحقق,,


وتوته توته خلصت الحتوته


يالله من بعدي


فتكووو بعافيه