[بحر الأشجان]

السلام عليكم ورحمة الله وبركاته

بعيدا عن المقدمات والاستعارات والزخرفه الكلاميه

أريد أن أبدأ بطرح موضوعي


كنت من الأشخاص الذين لايحبون التنويع بالجوال
كل ما طلع موديل جديد راحوا اشتروه لو حتى هم مفلسين
كرهت الجوالات بالكاميرا والبلوتوث
لما سمعته عن أخطارها و بسبب كم من ناس بريئين تنشر صورهم
وتنتشر بسرعه جنونيه
لا يكتفي الشخص بمشاهدتها فقط بل يبعثها لمليون شخص= عدد وهمي
المهم فجأة الدنيا كلها جوالات اخر موديلات اللي بلوتوث بس
واللي بكاميرا واللي بكاميرتين
وأنا كان عاجبني جوالي برج العرب
والله العظيم ولافكرت اغيره او اشتري جديد
يعني اكيد بتستغربون بنت وماتحب تغير وبتقولون مو من طبع الحريم
مع ان الكل كان يقول متى تغيرين ؟ وليش ماتغيرين ؟
يوووووه والله انك قديمة انتي وجوالك
انا ماهمني كلامهم ولا اهتميت
ومثل ماقلتلكم كنت كارهه الجوال بكاميرا
لانه كما تدين تدان
يعني لاسمح الله لو احد اخذجوالي وصور احد بكون انا المسؤولة لانه جوالي
حتى لو مو انا اللي صورته
الصيف الماضي سافرنا لمنطقة جميلة وطبعا جوالي برج العرب
كانت المناااااااااااظر اكثر من رائعة
الجبااااااااال كانت خيااااااااااال
والبيوت القديمة اروووووع
طبعا انا وامي الله يحفظها ويخليها كنا نحب شيء اسمه مناظر طبيعية وبيوت طين
قررت اشتري جوال بكاميرا عشان اصور ويكون اسهل من كاميرا الفيديو او الكامير العادية
المهم شريت جوال بكاميرا وعاهدت نفسي اني ما اصور ولا جنس بشر ولا اطفال ولا شيء
كنت حريصه ان الجوال مايأخذه اي احد عشان مايصور الناس او حتى الأطفال
اعترف اني صورت مره طفل لكن على طول مسحته وكان غصب عني لان امي طلبت هالشيء مني

انا عارفة اني طولت لكن والله من القهر اللي داخلي

بقولكم وش مضايقني واللي لي كام يوم بصراحة ماارتحت

البلوتوووووووووث
ماننكر انه سلاح ذو حدين
فيه مضار وفيه منافع
انا من شريت الجهاز يعلم ربي اني ماحطيت ولا صورة تغضب الله
ولا صورة غير مهذبه

قبل كام يوم مسكت جوال احد الأشخاص قلت عادي ابتفرج على الصور والمقاطع وكنت محسنه الظن بهالشخص وكنت عارفه
ان الصور عاديه

والله ليتني ما شفت اللي شفته
مقطع فيديو مقززززز لابعد الحدود
يعني انا متعوده اشوف جرائم صور قتل دمااااء اي شيء بشع
لكن هالمنظر المقزز ابدا ولا بحياتي فكرت أشوفه
كان المقطع مقطع جنس الحمد لله ربي رحمني وحسيت ان فيه شيء مش
طبيعي بالمقطع وسكرته حتى قبل لايصبح دقيقة وعرفت انه كان يحتوي على اشياء
مخلة

جلست افكر بعدها معقووووووولة
ليه الناس تتناقل هذه الأشياء
انا طبيعيه ولا مش طبيعيه
ليش الناس بكل بساطة تشوف هالمناظر وهي تضحك
قسم بالله شيء يقشعر منه جسمي
انا بعمر 19 واميز الصح من الغلط
ولا بحياتي فكرت هالتفكير
سؤالي عن
الأطفال اللي معهم اجهزة ببلوتوث واللي معظم وقتهم مع اصحابهم بالشارع
كيف يشوفون هاذي الأشياء ؟
الأهل يراقبونهم ؟؟
يعرفون وش بهالجوالات ؟
حتى مو الأطفال الشباب البنات الكبار كل الأعمار
معقولة توصل لهالدرجة
اين شكر الله على نعمه
اين الا نعصيه
اين والعين تزني وزناها النظر



اخواني اخواتي
انا اعتذر لأني أطلت الحديث
لكن الله شاهد علي أني أريد أي شخص يقولي ليش صرنا كذا ؟
وين القيم وين التربيه ؟ وين الاب والام ؟ ((طبعا البعض وليس الكل ))

البلوتوث راح يحطمنا المقاطع الموجودة فيه راح تخرب كل طفل كل شاب كل بنت

اسفه للاطالة لكن ابخرج قليلا مما بداخلي
واعتذر عن كتابتي بالعاميه
انتظر ردودكم