[هدى وهداية]

تاخذني الغربة من الامس لليوم
.. واتوه بين ايامها والاماني


وابحث عبث عن بسمة انسان محروم
.. يمكن الاقي للسعادة معاني


وانزف صبر واستسقي جروحي غيوم
.. لين السنابل تحتضر في كياني


وانا انتظر يتنفس الصبح ويقوم
.. ليت الصباح المنتظر مانساني


ينفض بي الظلمى ويقعد بي النوم
.. ويسيح في كاس الظلام وملاني


الوقت يرمي عذقي المثمر هموم
.. واعطيه من عذقي كثر مارماني


عمر الامل ماغير بشي مقسوم
.. وعمر الحزن ماسد باب التهاني


عذر البحر ماقال للخايف يعوم
.. وعذر الشواطي ماتحب المواني


امسح بكفين الامل دمعة اللوم
.. وان جف حلمي غيم حلمي سقاني


وان مر حزني يوم ، جا للفرح يوم
.. وبالابتسامة سرت اساير زماني


مافيه احد محروم لو كان محروم
.. مادام يقدر يبتسم لو ثواني


م/ن