[~ حنايا ~]

الصـوره اللـي ( بجوالـي ) تعذبـنـــــــي
ياكثـر ماجيـت ابمسحهـا ! واخليـهــــــا

ياللي جفيـت وجفـاك المـر .. ذابحنـي
عقبك وجيـه البشـر .. مانـي بدانيهــــا

من يوم حبك .. غـزى القلـب وتملكنـي
قطعـت كـل العـلاقـات وطواريـهـــــــــــا

اقـرى رسايلـك ودموعـي تسابقـنـــي
وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي
والظاهـر ان هقوتـي بانـت مواريهــــــا

لـو الوصايـا ليـا احتديـت ! تنفعنــــــي
ياكثـر نـاس ٍ علـى ذودي بوصيـهـــــــا

ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـــا

من كثر ماكنـت ! جارحنـي وظالمنـي
قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي
انـك محـامـي قضيتـنـا وقاضيـهــــــــا

تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا

بكـره الا هملـوك الـنـاس تذكـرنـــــي
وتقول عـزاه : عينـي مـن يداريهــــــا ؟

مدام غيـري ؟ علـى قلبـك مشاركنـي
وش هو لـه ؟ اعلـق الأمـال وابنيهـــــا

يكفينـي انـك رحلـت ومنـت عايفنـــي
هذا عـزا النفـس مـن كثـرة بلاويهـــــا

اهديتك : دموع مـن طعنتـك تحرقنـي
وانـت اللـي تستاهـل الدنيـا ومافيهـــا

واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديـهـــــا

صحيح ! ( حنا انتهينا ) .. بس صدقني
!!والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغنـــي
ملامحه واضحه ! , في وجهـه راعيهــــــا

لكـل داء ٍ دوا .. لــــو هــــــو متــعبــــنـي
الا محبتـك ؟ .. أعيـت مـن يداويــــــــــهـا

ان قلـت : علمنـي انسـى ؟ لاتعلمنـي
دنيـاي لامـن نسيتـك ويـش تاليـــهـــــــا

فارقتنـي وضحكتـك عيـت تفارقــــــنـي
والله يلعـن ابـو الفـرقـا وطاريــــــــــــــهـا

مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقـدر !! أخفيهـا

اخاف لاحبنـي غيـرك ؟ .. وعاشرنـــــي
يشوف صورتك فـي عينـي ويوحيهــــــــا

نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـــــــــا

تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهــــــــا

من يـوم ماغبـت ! والوحـده تعذبنـــــي
اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهــــــــا