[السعاده قادمه]

يقولون في كثير من المحافل ألا دبيه أو الثقافية إن اقرب طريق لقلب الرجل بطنه .وان المراه اذا ما بغت تفوز بالرجال لازم تفوز بترس بطنه (( انا اشهد)).والمشكله تبدا من هناوطبعا غير الطبخ أمور كثيره لكن بنبدا بأخف الأمر وهي اسهل عمل تقوم فيه البنت ...........عندنا بالاول البنت من يشد عودها شالت البيت على راسها تشيل وتحط والبيت فيه اكثر من عشرين نسم وطبعا من طيب خاطر ماهوب غصب عنها..لنها تجد متعه وهي تقوم في واجبها المنزلي و كانت البنت في الاول تستحي تجلس من غير لاتسوي شي في البيت وكانو يتنافسون البنات بينهم في منهي تطبخ احسن او تقوم بالبيت افضل من الثانيه (( الا ليت الاول يعود يوما فأخبره ماذا فعل الوضع المنيل اللي حنا فيه)).وتشوفهم بعد .من شد.حبهم في.الخدمه .والعمل كل وحده تخفي وش بتسوي عشان اختها ماتسبقها(( قومهم مالحقو على برنامج زينه وبرنامج التوب تن )).وغير هذا وصول لحالات يعجز عنها التفكير .انا وربي كنت اسمع انه في وقت من الاوقات البنت تستقبل اضيوف ابوها وتصلخ وتطبخ .وهو ماهوب موجود وكنه تارك وراه رجال ..المهم لو بنتكلم عن الماضي بنهلك وربي ادري ان كثير بيقول الطبخ ماهوب مقياس انا اقول ا لا مقياس من اهملت بالسهل اهملت في باقي الصعب ...ولو جينا لحياتنا الحين لين البنت يا دهينه لاتنكتين كل خوفها لا البشره تتئثر من الحراره لادخلت المطبخ ولا الأظافر تعلق في مشخال الرز ..ولا ايدها تغوص بالغلط بالمرقه وتتأثر ويتغير لون الجلد ولا البخار الطبخ يدخل مناسم الجلدويخرب بشرتها .والمصيبه ماغير راسها وراس زوجها وتبي خدامه وبعضهم يوم تقولها ليه ماتقومين تشتغلين في بيتك تقول ليه وانا جايبه الخدامه رفيقه لي وش شغلتها هي؟ (( معك حق الشرهه ماهوب عليكي يا عيوني)).وبعضهم مسكين يتزوج عشان ذي من القبيله الفلانيه ولا عشانها من ذاك النسب وكل ضنه ان البنت بتضهر على جدانها .ويوم ياخذها المسكين بكل ثقه يقولها شوفي عمري ابغيك الحين تنسين الطبخ وشغل البيت وتشيلينه من راسك خلال هالسبوعين (( هو من ناحية بتشيله خذه مني بتشيله بس حبيبي ماظنتي اسبوعين)).وترد تقوله انشالله ابشر ((لاتفرح البنت مختبصه ماهيب حولك الحين ولا كان عطتك باللي في رجلها)).ولا خلص السبوعين وقال لها وش تبين تطبخين لنا اليوم يا نور عيني (( يا ثقه انت)).ترد وتقوله وش تحب يا روحي كنتاكي ولا هارديز ولا ماما نورة (( احي احي هذا الي انا كنت عامل حسابه )).يقولها يا روحي تفقعت مرارت بطونا من الكنتاكي طول شهر العسل ، انا ابغي اكل من ايدك .ترد هي وتقول ليه ايدي فرن ولا ثلاجه تظهر منها وتاكل

ويرد ويقول يعني ايش ما فهمت (( دقيقه وبتفهم كل شي )).تقوله انا والله في بيتنا مربيني على العز والدلال في عمري مادخلت مطبخ (( بعدي حبي لي راس امك ))يقول وش افهم يعني قالت من قال ها سمع (( هو سمع بس معطيكي فرصه تغيرين المطاعم الي قلتيها )).يرد يقول والله انا الحال هذا مايعجبني ..وتقوم هي وتقوله بكل بساطه وقلت عقل والله اذا مايعجبك طلق (( معك سكروب؟؟)) .والمسكين من تقوله هاكلمتين عرف انه بتندبل كبده من البيتزا هت (( غير رح مطاعم بخاري تجننن اسئلني انا.ولا سو مثلي يوم عند ابو براهيم على الغدا ويوم عند ابو محمد وضاحكن عليهم كل يوم بسالفه ولا اجيهم غير قبل الغدا ولا قبل العشا بنص ساعه ولو انهم ذا الايام كل ماجيت لهم يقولون لي تبي نطلب لك شي تراني تعشينا الله يلعن قطت الوجه وطبعا من الحيا انا ارفض واقولهم لا مابغا اكلف عليكم ..اذا ممكن تجيبون لي من هرفي خمس سندويشات خفيه.اطقطق ابها على ماتعشا في بيتنا وعقبها يرجع للبيت وتسئله المدام تعشيت (( لا طقطق )).ولا احط لك عشا (( قصدك تطلبين له )) يرد الذوق ويقول لا يا عيوني مابغا اتعبك (( وش بيتعبها الله يسلم الجوال)).تقوله لا يا حبيبي مافيه تعب لو تبي عيوني عطيتها لك ((اكيد تبين شي يا الشينه ))ويرد هو بكل عفويه يقول لا تسلم لي ايدك الحلو (( لا ايد ولا وجه غير الله يعيضك الجنه)).ويجلس المسكين يذكر طباخ حلوة البن امه فيدتها محلاها ومحلا طبخها صدق الشاعر يوم يقول الام مدرسه ان اعددتها اعددت كبسه بشاور وجنبها بوادي الامراقي .المهم عقب مايشرب المقلب اللي هو فيه .يردد ويقول حسبي الله ونعم الوكيل وين اروح وش اسوي (( نهبل المسكين )) وربي تعبت قولو وش اسوي يعني اتزوج عليها (( يبيلها رجال))ولا وش اسوي (( انا اقولك اشتر جهاز عابر الزمن وارجع للأول وخذ معك مكيف كريرا وزقاير بوبس يحبونه بنات الاول ))..والمشكله يوم تصرخ عليها وتخانقها وترد تقولك طيب وش اسوي اهلي ماعلموني (( صدقتي في ذي )) اقلب الئدره على فمها تطلع البنت على امها .ولا جيت تشتكي لمها اللي هي ام سعد وقلت لها بنتك مهمله بيتها ردت وقالت لك امها ليه يا مك متزوج سيلانيه انت ((قولي لي بس وش علوم ابو سعد ))وطبعا المسكين من يشوف الام يغسل ايده من البنت ويعتمد على نفسه (( الله يعينك دوام بالصبح ودوام باليل)).وطبعا زمنا هذا يستصعب الرجال فيه انه يطلق ويتزوج مره ثانيه (( الله يعين اخوانا المصرين الشقه من حق الزوجه يعني لو يقول وش طبختي اليوم وقالت ملوخيه ورد معترض وقال ايه ايه وردت بعين حمره ومفاتيح الشقه بيدها تهزهز فيه بين اصابعها وهي تقول ملوخيه ايه مش عقباك ؟؟..يرد يقول الا عاجباني .ايه ده يا دفع البلا الواحد مايئولش رايه بالبيت ده ابدا؟؟(( احمد ربك ماخترعو كاشف مرجلة كان.كل ماحطيت ايدك فيه قال حاول مره اخرى))…

.المهم نرجع للمسكين الي في النهاية يوصل لحل وهذا من حقه لو لقا تقصير الي هو الطلاق وطبعا نادر ماتحصل لكن مايستبعد وخاصه لو البنت فعلا كانت عايشه في دلال مفرط .وطبعا حنا ماندعو للقسوه على البنت لا وربي تعطا حقها لكن بعد لازم نعطيها شهادة في التدبير العائلي البيت والاسره والاطفال ماههم لعب .والبنت .الي تفكر اتزوج وبس ومن غير لاتفكر كيف تبني اساس لذا البيت لاتامن طيحت البيت .ولا تستخفين في الموضوع ..وربي يا فيه حالات طلاق تمت بسبب الموضوع هذا وطبعا وان جاء بصيغه ثانيه لنه الحين من طلق عشان تقصير البيت قالو عنه بخيل مايبغي يجيب خادم ..والخادم لها موضوع بروحهااااا ولو يعرفون الامهات خطورتها ماسلموها غير الغسيل والكنس شي ..لكن للأسف تجي البيت ولا الخادمة شايله البيت على رأسه من هدوم الزوج لين حفاظات للأولاد يعني يوم تطلق زوجتك مايفرق معك شي كنه كرسي وانكسر ورميته

في الختام اقول انا في بدايت المقاله قلت هذي اسهل الامور. طبعا فيه امور اصعب واهم منها لكن من تعود على شيل الخفيف كسر ظهره شيل الثقيل .والبنت العاقل إلى تحسب.لاتفه الامور .وتحافظ على بيتها ولا تحاول انه يمسه شي .وتحاول تكون عضو فعال في البيت بحيث .ماتترك فراغ الا وتسده.....واقول من وفقه الله في بنت الله عطاها من أمور الدنيا والآخره .حافظ عليها وانا خوك وربي انها مثل اللؤلؤه في خيش محار صعب كل اشوي تلقا مثلها ......

مماااااراق لى