[صانعة في الحياة]

* يـا ليتنـي خدامـة بيـن اياديـك .. من شان اشوفك كل يوم برضايـا *


القصيده مؤثرة واحببت ان تقرأوها معي وهي لأم تشكي حالها بعد ان اهملها ولدها
(الله يهديه) في (دار العجزه) او كما يقااال ( دار النسيان) والبيت أعلاه يبكي حتى القلب
القاسي ..!! اترككم مع القصيده :


وين انت يا حمــدان امـــك تناديـــك .. وراك مـا تسمـع شكايـا وندايــــا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـــــك .. ما شفت زولك زايـر يـا ضنايــــــا
تذكر حياتي يـوم اشيلـك واداريــك . . والاعبـك دايـم وتمشـي ورايـــــا
ترقد على صوتي وحضني يدفيــك .. ما غيرك احدٍ ساكن فـي حشـايـا
واليا مرضت اسهر بقربك واداريـــك .. ما ذوق طعم النوم صبـح ومسايـا
ياما عطيتك من حنانـي وبعطيــــك .. تكبـر وتكبـر بالأمـل يـا منـــــايـا
لكن خساره بعتني اليـوم وشفيــك .. واخلصت للزوجه وانا لي شـقـايـا
انا ادري انها قاسيـه مـا تخليـــــك .. قالت عجـوزك مـا ابيهـا معــــايـا
خليتني وسط المصحه وانا ارجيــك .. هذا جزا المعروف وهـذا جـــــزايـا
يـا ليتنـي خدامـة بيـن اياديــــــــك .. من شان اشوفك كل يوم برضـايـا
مشكور يا ولدي وتشكر مساعيــك .. وادعـي لـك الله دايـم بالهدايـــــا
حمدان يا حمـدان امـك توصيـــــــك .. اخاف من تلحق تشـوف الوصـــايـا
اوصيت دكتور المصحه بيعطيــــــك .. رسالتـي واحروفهـا مـن بكـــايـا
وان مت لا تبخل علـي بدعاويـــــك .. واطلب لي الغفران وهـذا رجـــايـا
وامطر تراب القبر بدموع عينيـــــك .. ما عـاد ينفعـك النـدم والنعـــــايـا



اتمنى من الجميع من لديه ام واب على قيد الحياة ان يبر بهما ويحسن اليهما قبل موتهما

اللهم أعنا على البر بوالدينا