[نواف الروقي]

حبيب العازمي:
سلام للحفل الكبير وراعي الحفل الكبير ـــــ والدوحه الي بالوفا والخير ضافي ظلها
ليا وقف شاعر من عتيبه وشاعر من مطير ـــــ الاوله والثانيه والي عقدها يحلها
تركي المطيري
يامرحبا بك بالنيابه وانت ماحجمك صغير ـــــ شاعر وفاهم بالسوالف والمعاني كلها
عطني علومك ياحبيب ياعسى فالامر خير ـــــ نبي نسولف ونتهرج والدروب ندلها
حبيب العازمي
الناس يغلبها الهوى والطير بجناحه يطير ـــــ الي تناسب هاتها وان صار فيها خلها
هل تعلم ان الارض كبر قرش في عين البعير ـــــ والي عشق ليلى قبل 90 عام ملها
تركي المطيري
ياكثر مايطري عليه من طواري بالضمير ــــ وانته يجوز انك تميز دقها من جلها
هل تعلم ان الوقت والدنيا رحاة تستدير ــــ ومهما تمر سنين ليلى ماتناسى خلها
حبيب العازمي
اهل الوفا كما البابور في البحر الغزير ــــ وان كان صارت معركه هات السيوف وسلها
ياللي تشيلوون المريض ولا لقيتوا له سرير ـــــ عندي دوا لهل الكبود الزايمه ويعلها
تركي المطيري
انته توصيني وانا حاسب حسابي من عصير ـــ والمعركه قدي يابن عاصي وان قدلها
لافرق بين العلم الاول يالعتيبي والاخير ـــــ والارض تنبت نبت مادام المزون وتبلها
حبيب العازمي
العلم عند الله وانا مخلوق ماادري وش يصير ــــ لكن ماباقي معك غير الصلاة وصلها
مدري سلوك المشكله من قطن والا من حرير ـ امسى هذا ينقض لها واصبح هذا يفتل لها
تركي المطيري
صاحبك ما يارد على هداج بالحبل القصير ـــ لابد مايمهل لها لحظه ولا يهمل لها