[شافي الشكري]

اعقل ترى بالناس صاحي وتزييف = يظهر دوا القلوب حزة يسرها
وياكم قول(ن) غلّفه زين تغليف = وفي داخله قشرا الحقود ومكرها
ولي بان صوبك ما يبي مول تعريف= حلو التحايا وفايحات(ن) عطرها
ولي أقفى عنك قال فيك التخاريف = عزاه والله سود الليالي وضررها
ويوم(ن) لقا غيرك سبّك على الكيف =مسكين تحسب موق عينك نظرها
وانته على فالك وفي بارد الريف = ما تشتكي هب الذواري وخطرها
واختار ديمة(ن) تمطر بهاجر الصيف = تروي ضما القلوب من جودة مطرها
وقت العظايل للمعاني تصانيف =وقت المعادن ينكشف لك قدرها
هذا زمان اليوم جرح الحرار نزيف =وتشرب كلاب الذل (مِ) الدنيا طهرها
يا كم رجل(ن) في بلاده ترى شريف= أصبح ذليل النفس ويعاني شررها
هكذا الدنيا كلها زود تكليف =واصحى وصحصح من مكايد عسرها
بالدين بالإسلام بإيمان(ن) نظيف = نجني ثمار المجد بالتقوى دررها