[نورقباء]

ياهل الشعر ياهل القوافي والاوزان
مـــاعـــاد للبـسـمــــه فـ الاوراق رايــــه

لاصار حــزنــي نص والــدمع عنوان
مايــرقــب القرّاي غـــيــــر الــنــهـايـه

لايـطـمع الـدفـتـر مع غـيـم الالوان
ارواحــنــا مـاعــــاد تـــمــطــر روايـه

جاملت نفسي بسْ على شاني انسان
واعـطـيــت نـفسي صبْر مثل البدايه

ويــن البدايه؟ طالــمـــا الـقـبر ميدان
حـتـى الكـفـن فُصِّل قـميـص وعبايه

عـقـولـنــا مـزْجاه من كثــر الاحزان
واصـبـح مـجـاز الـقول بـنـد الكنايه

وين الـرشاده والـتـديـن والايـمـان
وين الـنـدا ياهــل الـهـدا والـهـدايه

وين التفانــي والـتـبـادر والاحسان
وين الـجهاد ان كان خوضه وقـايـه

عـــد الـجـهـاد اكـبـر وسـيـله للاتقان

واحسب حسابك :جنة الخلد غايه

الفطره اجمل من تراكيب الاذهان
على وجـيــه الـنـاس رســم وبـنـايه

ياطالب الجنه عـن الشوف بـيـبـان
افـتــح مصارعــهــا وتلقى الـمــرايـه

شوف العروبه والعرب قدر الامكان
وشــوف سوريّه بـ عــيــن الـعـنــايـه

صارو أقل من الـجــنـايـز والاكـفـان
واكـثــر مـن الـحـسـره بكف الجنايه

الله علـى الظالم ولو طال بـهـتــان
لابدّ يوم يـشـوف فـيــه الــوشــايه

بـشـار يـاشــر اللـيـالــي والازمان
باقي تــحـصّل من عباك الـكـفايـه

من ذل واستخذال من كل شيطان
عانـك عـلــى سـلك اللـهو والغوايه

ماخفت ربك فــي يـتــامــا ونسوان
وْشـيـبـــان تــبــكــيــهــم عريّ العصايه

كـم طفل ماتت فيه كلمه لها شان
(يمه) وصار اعمى على درب تايه

عـمَـار ياخيـر الـمـساكن والاوطان
دار الــحــضــاره والــنــهــول الرِوايه

لوفـيــه حـكـمـه ماعطا النار دخان
واخذ من اللــيــبــي دروس النكايـه

احـنــا عرب نعرف نـعــزي وننـهان
وْنذكـــر تــهانــيــنــا ولايــــه ولايــــه

باقـي نـحاسب مالبدايه إلى الآن
دام السكوت اجــتــاحــنـا للــنهايه..

ياقاده احنا شعب مانملك احيان
إلا الـدُعـا يـ اهل الدِعا والدعايـــه

بادعي الكريـم اللي شرع كل الاديان
والله كــريـــم ولايــــخـــيــــّب دعـايــــه

يارب لاتـجـعــل على الـفــتــنـــه اعوان
واجعــــل لــنـــا بــشــــار يــــارب آيــــــه

مابعد هذا شـــي والـفـعْـل بـــرهــــان
عــيـــونــنــا ماهـــــي بـ حاجة قـــرايــه

لـ المستضام

أسآل المولى أن ينصر الشعب سوريا عاجلا غيرآجل ..