[أم نور الهدى]

السلام عليكم ورحمة الله وبركاته...
اليكم بعض خفايا التصوير كالمحترفين :
أولا..
شنو الفرق بين هاتين الصورتين؟؟؟



عرفتو شنو الفرق؟


:: في الصوره الأولى ::
أستخدمت فتحة كبيره و قيمتها F1.8
وعند استخدام فتحه كبيره, راح يكون الكادر(الجسم الي عليه التركيز) اهوه الواضح بس
و الخلفيه كلها ضحله, او مو واضحه او Blured

ومن ميزها انها تبرزلي الجسم الي تبي تصوره وتخلي الخلفيه مو واضحه
ويكثر استخدامها, في تصوير الزهور

:: في الصوره الثانيه ::
أستخدمت فتحة صغيره و قيمتها F10
وعند استخدام فتحة صغير, راح تكون الصوره كلها واضحه او Sharp
ويكثر استخدامها في تصوير الاندسكيب, علشان يكون كل شئ عندك واضح

:: ملاحظة ::
أغلب الكامرات المدمجه, تكون اكبر فتحه فيها F2.8
أما الكامرات الـSLR (الأحترافيه) تكون الفتحه على نوع العدسه الي مركبه على الكامره



:: شلون أغير الفتحه في كامرتي؟ ::

أختار شئ عندك بالكامره
اسمه Av لكامرات canon
واسمه A لكامرات Nikon
وبعد ما تختار هذا الأختيار, بأمكانك ان تتحكم في فتحة العدسه

اذا تبي كل شئ بالصوره يكون واضحإستخدم فتحة صغيره
زيد الرقم مثل F10 - F14 - F16

و اذا كنت تبي بس الكادر يكون واضح إستخدم فتحة كبيره
نقص الرقم مثل F1.8 - F2.8 - F3.0
-----------------------------------------------
ثانيا..
سرعة الغالق وكمية الضوء
غالق الكامره
هيه الأداة التي تتحكم بكمية الضوء الداخله الى السنسر او الفلم

في بعض الكامرات توفر لك سرعة غالق بطيئه بمقدار ثانيتين, و اربع ثواني, و 8 ثواني
او سرعة غالق سريعه بمقدار 1/2000 الفين جزء من الثانيه او 1/4000 اربع آلاف جزء من الثانيه
بالأضافه الى خيارين, "T" او "B" وتعني Time او Bulb وهما يمنحانك حرية استخدام غالق بالوقت
الذي تريده سواء ثواني او دقائق او ساعات كما ترغب (يستخدم الغالق الطويل, لتصوير الالعاب الناريه و النيازك).
عند ضبطت سرعة الغالق على ثانيه واحده, سوف تسمح بدخول ضوء اكثر من اذا ضبته
على نصف ثانيه, ببساطه الضوء سوف يدخل الي كامرتك بمقدار الضعف
كل رقم من ارقام الغالق, هو ضعف الرقم الذي يسبقه

مثل
ربع ثانيه - نصف ثانيه - ثانيتين -4 ثواني وهلو مجره


بعض من استخدامات سرعة الغالق


سرعة الغالق, تقدر تعطيك حركات عجيبه, اذا كنت تبي توثق حدث سريع او حدث فيه حركة
شوف الصورتين الي تحت:

في هالصوره مستخدمين سرعة غالق بطيئه بسرعه 1/15
ومثل ماتشوفن النتائج كانت, ان الماي شكله جنه يتحرك او انسيابي


وفي هالصوره مستخدمين سرعة غالق سريعه وهيه
1/2000
ومثل ماتشوفون الصوره شبه متجمده, والقطره واقفه في الهوا

كيفيه تغيير سرعة الغالق؟
في كل كامره وضع اسمه Tv
وفي بعض الكامرات اسمه S
ومن خلاله تقدر تختار سرعة الغالق الي تبيهه


مثال
4 seconds
اربع ثواني

2 seconds
ثانيتين

1 second
ثانيه

1/2 second
نصف ثانيه

1/4 second
ربع ثانيه

1/8 second
ثمن اجزاء من الثانيه

1/15 second
خمس عشر جزء من الثانيه

1/30 second
1/60 second
1/125 second
1/500 second
1/1000 second

وجذي

طبعا الشتر السريع يعتبر من 1/500 second
يعني من 500 جزء من الثانيه

ملاحظه
كل ما زادت سرعة الغالق
أحتجت إضائه اكثر, لانه عندك المده الي تاخذ فيها
الكامره الضوء بسيطه حيل, ففي هالحاله تحتاج المزيد من الإضائه

مثال
يعني اذا حبيت تصور قطرات ماء
لازم تكون عندك الأضائه قويه حيل, علشان تقدر تستخدم
شتر سريع وتوقف القطره في الهوا وتطلع بنتائج حلوه
-------------------------------------------
ثالثا...
كيف نعمل هالصورة؟؟؟


اول شي المعدات
ترايبود
كاميرا
photoshop
شخصين منهم المصور والشخص الثاني حق التصوير
المكان , طبعاً تكون الكاميرا على الزاوية الي تبيها والبعد الي تبيه
الطريقة : تصور الشخص ثلاثة صور او اكثر حسب الرغبة بس بدون لا تغير اتجاه الكاميرا وطبعاً باماكن مختلفة


بعدين نفتح الصور بالفوتو شوب


ومع الثلات صور نفتح صفحة جديدة حسب المقاس ومن ثم تجزء الصور الى ثلاث اقسام وتاخذ من كل صورة جزء الجزء الايمين ثم الاوسط ثم الايسر


هذي الصورة يمكن تفيدكم

ونسوي هذي الطريقة حق الصور الثلاث وكل صورة نقطعهه نحطها بالصفحة الجديدة كانها تركيب


وبعدين نحفظ الصورة..
ان شاء الله تكونو استفدتوا...
منقول للامانة