[حنان العالم]

السلام عليكم ورحمة الله وبركاته


الحمدلله حمداً طيباً مباركاً فيه

كما ينبغي لجلال وجهك وعظيم سلطانك

ابشرك ياشيخ سعيد الرؤيا تحققت وهذا رابط الرؤيا ::

اللهم لك الحمد

البارح قال لي زوجي وش رائك اجيب لك التحليل البيت خلينا نجرب

والله كنت خائفه مع اني كنت حاسه بااحساس قوي بااني حامل

وجابه واخرته الين راح لجيرانا كان عندهم سمره

تقريباً على اذا العشاء رحت لدورة المياه وانتو بكرامه وسويت التحليل ونزلته ورحت اوضي حق الصلاه

وبعد ماانتهيت من الوضوء لفيت ابي اشوف النتيجه

>> اقسم بجلال الله بغى يغمى علي من الفرحه ابغى ابكي وابغى افرح

ماادري شلون اوصف مشاعري وقتها

ركضت ابي اصلي لله حمد وشكر قمت ادور بالبيت ( فقدت التركيز من الفرحه )

شفت الجوال سيده دقيت على امي وبشرتها وبعدها ابوي وبشرته

وعلى جدتي وخالتي >> الغوالي بس بشرتهم

وخليت زوجي الين جاء من السمره عشان اقوله وجهاً لوجه

ولمن قلت له قعد يطالع في ويقول قولي والله

راح توضى وصلى ركعتين حمد وشكر

سعادته كانت منيتي بالموضوع كله لانه سبق وتزوج وماحصل منها اطفال


والله رزقني مااتمنى ...

والسبب كثر الاستغفار والدعاء بالقيام

اقوم ادعي بالسجود وكل شئ يتحقق باامر الله

وانت ياشيخ والله مانسيتك من الدعاء

والله يسعدك ويوفقك وييسر امرك ... اللهم امين ولكل من قال امين


اسفه على السرد الطويل

بس والله العظيم من الفرحه ودي اصرخ

ولاتنسون تذكرون الله

ماشاء الله تبارك الله لاقوة الا بالله

والله يرزق كل وحده محرومه انه قادر على كل شئ


لاتنسوني من صادق الدعوات

ترى الدعوات المسلم لاااخيه المسلم بظهر الغيب بااذن الله مستجابه


والله يسعد كل من مر على موضوعي ودعى لي

وبالتوفيق للجميع