[الورد والشوك]

[color=darkslategray]

السلام عليكم ورحمة الله وبركاته


انا بكتب لكم طريقه الرز الكابلي لاني شاطره فيه حابه افيد باي شئ قلت اكتب اشطر طبق اسويه

المقادير

لحم او دجاج على حسب عدد الافراد
بطاطس مسلوقه ومقشره ومقطع قطع وسط
بصل مقطع صغير ويكون كثير
وبهارات ( خولنجان - شيبه - هيل - قرفه - قرنفل - فلفل اسود كلها حبوب زي ماهي ) والهيل والقرفه نضيفهم ناعمين وبحبوهم
وقشر البرتقال مقطع شرائح ناعمه

ويخلط على جنب هذه المقادير ( نصف معجون طمام + ملح الليمون + ملح الطعام + فلفل أسود + ماء الزعفران المنقوع والمصفي + ماء دافئ )


ماء الزعفران

واي نوع رز تفضليه انا استخدم رز ابو كاس

الطريقة

1- نسلق اللحم او الدجاج ونحتفظ بماء سلق الدجاج للسلق الرز

2- نكشن البصل في الزيت ونقلبه ونضع البهارات قشر البرتقال ونقلب باستمرار التقليب لازم يكون كثير ( مع اضافه قطرات ماء) عشان نقلب ولا يلصق في القدر تقلبي وتشمي ريحة البهارات ويكون على نار هادئه
3- نضيف البهارات المطحونه ( الهيل والقرفه )
4- نضيف خلطة المعجون والزعفران اللي خلطتيها وجهزتها
تخليها شويه تتبل مع بعض وتكون حاطة الحديده في الاسفل
5- تصفي اللحم او الدجاج والبطاطس وتوضع فوق الخلطه السابقه وتقلب اللحم او الدجاج والبطا مع الخلطه وتخلي النار هاديه والحديده زي ماتفقنا في الاول
اذا تحبي تشيل اللحم او الدجاج من الخلطه وتحطيحها في الصينه وتحمرها قليل ممك
ملاحظه ( كل ماجلس اللحم او الدجاج في خلطة الكابلي فتره اطول ساعه او ساعتين او اكثر حتى تكون افضل واذا كنتي مستعجله عادي بس 10 دقايق )
6- اغسلي الرز ونقعيه في المويه اي رز تفضليه نص ساعه تقريبا
واسلقي الرز ولما يستوي خذي الرز واكبسيه فوق الللحم او الدجاج
( ممكن الدجاج او اللحم نطلعهم من الخلطه ونحطهيم في الصينه ونحمرها في الفرن قليل وقت التقديم )
لما تكبسي الرز تاكدي انها مافيها مويه اانها نشفت ومابقى الا البهارات والخلطه
8- ونرش ماء الزعفران المنقع (اذا تحبي بمويه الورد واذا ماتحبها زي حالاتي بمويه حاره) فوق الرز
7- لماتغرفي الرز اغرفي من فوق و تحت قلبها بشويش في الطبق عشان لا تصير الخلطه بس من فوق تصير متقلب مع الرز بس بشكل خفيف
وتوزيع البطاطس واللحم او الدجاج فوق الرز

وبالهناء والعافية لكم

اتمنى انه يكون عجبكم