[رسال الوفا]

السلام عليكم ورحمه الله وبركاته

حبيت انقلكم قصيدة الامير نواف الفيصل في وفاه امه رحمها الله

واسكنها فسيح جناته

سبع وخمس سنين ياهي مريره
مابين خسف صاب دنياي وكسوف
يوم انطفت شمس الجزيرة ظهيره
وعني رحل فيصل وجت عجت ظروف
صارت حياتي لكل الاهات ديره
وكنت الحزن كلة تعابير وحروف ودعت ابوي ولابقى قلب غيرة
الاخقوق كنت به دوم محفوف
حضن الامان اللي وهبني ضميره
واللي سقاني كل طهر ومعروف
واصدق شعور لفني في حريره
واحن صدرضمني واعذب وصوف
امي بكل اوصاف توصف كبيره
ومن غيرها يقدر يبرد على الجوف
بنت السمو اللي زهت به مسيره
وام الجريح اللي من العمر محذوف
سبت فجعني والمنايا شطيره
وحتوف لاحل القدر طاحت سيوف
سبت لحق سبت وتاهت بصيره
ورجعت اون وعود الوجه مخطوف
اصيح واشهق والسعيره سعيره
ويارب صبرني يارب ملهوف
فقدتها يارب هدي السريره
مابتل ريقي وينها؟ وياظما روف
كن القمر من عقبها مات طيره
وتوشح ثياب الكدر واقبل خسوف
عزا وعزتني صفوف كثيره
ومافيهم اللي رد صبح لمكفوف
ماعادت ديار السهاري منيره
ظلما هنا وهناك والباقي طيوف
وذكرى تزلزلني ودمعه غزيره
وطفل يتيم هده البعد والخوف
مكسور ولاتنفع بكسره جبيره
مقهور مابيده ولاشي مكتوف
لبست ثياب احرام عمره اخيره
وصار الكفن في عرش رب السما يطوف
ربي يتقبل نيتك يالفقيره
وحنا برجوى خالق العالم ضعوف
يمه صمت وموجعات عسيره
وضيقه ورا ضيقه وهم وعاصوف
يمه وداع وخيره الله خيره
يعني فقدت النبض والسمع والشوف