[so0ocar]

كثـــــــــآر احلامي واغلبها موو حلووو

منها :


كل خواتي تزوجوا وهم بالثانوية وانا انخطب كذا مرة واخر شي انحجزت لولد عمي

حلمت ان احد يقولي راح تتزوجين بعد 8 سنوات طبعا مجرد صوت ما شفت شخص

وشفت يدي عليها دبلة عادية جدا بس ذهب

وفعلا بعد ما تخرجت بسنه تزوجت حتى زواجي مفروض بعد تخرجي بس صار على زوجي حادث

وتم الزواج بعد 8 سنوات بالضبط ولد عمي ماشاء الله الحين نقيب ولا تم زواجنا بسبب مشاكل الحريم

اخذت من جماعتنا رجل عريف بالامن العام

*****

حلم ثاني :

وانا باول ثانوي كانت اختي اللي اكبر مني حامل وتغيب كثيرر عن المدرسة واختكم بالله اللي هي انا

صرت احيانا اطلع مع وحدة من البنات نروح للبيت مشي ما نركب الباص

وحلمت اني امشي بالشارع اللي وراء بيتنا واشوف طاولة مدرسة وناسية بصراحة شنو شفت المهم وانا امشي

دخلت حوش من بلك مو مغطى من فوق والقى كلب كبير اسود ينبح على وانا بهرب واصارخ

بعدها جت اختي اللي كانت بالجامعة وهي مبتسمة قلت لها دروا اي عرفوا قالت ايه

إنتهى الحلم

المهم البنت اللي كنت ارجع معها للبيت صارت مهسترة تربط الجاكيت من فوق العباة وتركض بالشارع

انا بالحقيقة خبرت اختي اللي شفتها بالحلم وقلت لها وش تسوي البنت قالت لي لا تروحين معاها

طبعا انا اول اسبوع سحبت عليها وصرت ارجع مع الباص بعدها لا راح الخوف وقلت لها يلا

نروح مشي وحنا طالعين اثاري سيارة تمر من عندنا ومشغلة الاغاني فيها اثنين وانا ميته خوف وهي ولا همها

وتقولي عادي ترى هالاشياء تصير بالرياض عادي وانا منهبلة قلت يلا وصليني لبتنا وانتي ارجعي

وحنا نمشي حذف الكلب علينا شريط وما ادري ايش والاخت اللي معاي من زود الحماس رايحة بتاخذهم

وهاوشتها قلت وصليني بيتنا وانتي ارجعي بكيفك عاد

من نفس اليوم المغرب بابنا يطق ابو هالبنت قال لخوي رح اسال اختك في احد مغازلهن اليوم وش سيارته

واذا احد غازلهن مرة ثانية اكسرن قزازة السيارة بحصاة

قلت اية المهم صارت سالفة كبيرة عريضة وبعدها بالليل الا اخوي صغير قالي بنت تبغاك ع التلفون

كلمت صوت رجل يقولي اسمي ققسم بالله قلبي مات قلت نعم بصوت قوي خير قالي ليس ما تركبين

مع الباص؟ من اخذ الرقم؟ انا شايف وحدة منكن اخذته قلت رح اسال بنتك قال بنتي تركب مع الباص

وتجي اختي الكبيرة وتهزئة قالت من سمح لك تكلم البنت قال والله مو قصدي ومدري ايش

المهم تهاوشة اختي وتقول علم بنتك قبل تكلم بنات الناس ويقولها والله انها مو بنتي انا من الهيئة

اخذ السماعه اخوي الكبير وكلمه ومدري صراحة ايش قالوا البعض

وجلست اسبوع وانا اكرها بنت ........... يلا الله يغفر للجميع

************

الحلم الثالث :

حلمت ان فيني صداع قوي بعدها اسناني الاثنين اللي قدام تتصدع وشفيت من الصداع

بنفس السنة مرض ابوي وجدتي لامي وبعدها بسنة او اقل توفوا الله يرحمهم ويغفر لهم

طبعا ابوي كان شديد علينا بالمعاملة وجدتي تحب اخواني اكثر من البنات ما تطيق البنات جهل لا اكثر

الله يرحمهم ويغفر لهم ويعفوا عنا وعنهم اللهم امين



وسلامتكم وترى انا ما كنت افسر احلامي ذيك الايام لكن والله اعرف اذا شفت الحلم انوو بيصير شي

واتوقع ويطلع توقعي صح يعني افسر بنفسي

بس ما كنت اعرف الاحترازات ذاك الوقت بس كنت اتعوذ بالله من الشيطان الرجيم

وجزاء الشيخ فهد خير الجزاء لانه شدد على التحرز من الرؤى المخيفة

وعدم تعبيرها

حتى بالنفس لا تعبرينها وباذن الله ربي يصرفها عنك