[امة الله عبدالرحمن]

اني احبكن في الله

ايام ماكنت في الكليه كان ليه صحبتي كانت متخرجه من الجامعه لكن ما حصل نصيب واتجوزت وكانت بتعاني من كلام اقاربها لسه مافيش جديد والكلام الرخم اللي انتو عارفينه

عندنا في بلدنا البنت لو ما تزوجت بعد ماتاخد الشهاده تبقي عنست خلاص

وهي كانت بتصعب عليا كنت علي طول ادعيلها يارب ارزقها الزوج الصالح من قلبي والله وباستمرار
كان في حديث عن النبي عليه الصلاه والسلام اننا لما بندعي لاخوانا بيرد ملك علي دعائك ويقولك امين ولك مثله
انا كنت بدعي وعايزاها هي اللي تتخطب انا كنت لسه في 2 كليه ماكنت مستعجله لان بابا كان قايلي مافيش جواز ولا خطوبه قبل ماتخلصي

جيت في اول 3كليه
لقيت بابا موافق علي جوزي ويحصل النصيب وانا اللي اتخطب
ماهو الملك كان بيدعيلي لاني دعيتلها انا ممكن لما ادعي لنفسي دعائي مايستجاب عشان معصيه معينه او اي شيئ لكن دا ملك دعالي

افتكرت الحديث وقلت سبحان الله
وهي بعد مني بكام شهر اتجوزت الحمد لله لكن انا بقيت مخطوبه فتره لغايه ماخلصت

هي بقي ماحصلش حمل ليها علي طول

وانا كمان بعد ماتجوزت استنيت سنه
طول فتره السفر وانا ادعيلها ومش هي بس لا وكل حبايبي اللي ماخلفو
وكمان كنت بصلي في رمضان باليل وادعي ربنا انه ير زقني انا واللي محتاج الذريه الصالحه
ماكنت بمل في الدعاء وعندي امل ان ربنا انشاء الله يستجيب دعائي
والله كنت ببكي واقول يارب ياقادر علي كل شيئ ارزقنا ولا تحرمنا
انا عارفه انه عندى مشكله بس انا بطلب من القادر العلي الكبير
وبعد اسبوعين

عرفت اني حامل
صحبتي ربنا رضاها عقبال بقيت حبايبي يارب وعقبال كل محروم

المطلوب ايه مننا اننا نحب الخير لبعضنا وندعي لبعضنا بظهر الغيب
وحب لاخيك ماتحبه لنفسك هاتلاقي والله دا سر سعادتك

ولا تنسو الصلاه ع النبي