[" مرام "]

بسم الله الرحمن الرحيم
بدون مقدمات راح أبدا بسؤالي
من فترة حلمت حلم وصحيت من النوم خايفة تعوذت من الشيطان
ورحت بحثت بالنت عن تفسير حلمي وطلع التفسير عند ابن سيرين
من رأى .... فقد دنا أجله
خفت وتضايقت كثير وكرهت كل شي صرت بس أفكر بالموت وأفكر كم باقي لي
بالدنيا وجلست على هالحال كم يوم لحد ما فسرت الحلم عند أحد المفسرين
وطلع لي التفسير ( يدل على هم أو تعب أو مشكلة تعانين منها ) والحمد لله ارتحت من التفسير
لأني ذيك الايام كانت عندي مشكلة مضايقتني .
ومرة قريت في أحد المنتديات إن الحلم إذا كان تفسيره شر المفسرين ما يعلمون الرائي بالتفسير الصحيح
خفت من هالكلام وقلت أكيد تفسير حلمي شين أكيد معناه دنو الاجل زي ما قريت بتفسير ابن سيرين ورجع لي الخوف والهم
وكرهت كل شي وبعد فتره بديت شوي أنسى الموضوع حلمت حلم كان عادي بس أول ما صحيت من النوم تذكرت ان تفسير هالحلم شين
عند ابن سيرين ورحت أبحث بالنت عن تفسيره عند ابن سيرين طلع التفسير إذا رأت المرأة .... فإنها تموت
زاد علي الهم والخوف وصرت طول الوقت أفكر متى بموت وكم باقي لي بصوم رمضان مع أهلي والا لا لدرجة صرت ما احب أفكر بالمستقبل وكل مانويت أسوي شي قلت ليش أسوي كذا وش الفايدة أنا بموت حتى المنتديات اللي مشتركة فيها كرهتها كل ما جيت أفكر بموضوع أنزله قلت وشو له أنا بموت حتى استغفر الله أتخيلهم منزلين موضوع انتقلت الى رحمة الله العضوه .
وبين الحلمين هذي كانت تجيني أحلام عن الموت مع إني الحمدلله محافظه على أذكار الصباح والمساء وأذكار النوم ودائما استغفر وأسبح وأذكر الله الحمدلله .
وقريت مواضيع كثيرة عن تفسير ابن سيرين وانه غير صحيح بس ما اقتنعت أقول وشلون غير صحيح وهو حلمين طالع تفسيرها
نفس التفسير أكيد هالاحلام تنبيه لي من الله أن يومي قرب .
الله يخليكم طمنوني وريحوني الله يريح بالكم والله إني في حال مايعلم فيها الا الله
هل تفسير ابن سيرين صحيح وإذا كان خاطئ هل ممكن يخطئ بتفسير أكثر من الحلم
فرجوا هم أختكم الله يفرج همومكم دنيا وآخره
ياريت أحد الأخوان المفسرين يرد علي أو الدكتور فهد العصيمي*

*