[~فيونة~]

بسم الله الرحمن الرحيم

السلام عليكم ورحمة الله وبركاته

صباح\مساء الخير


طريقة الاعتناءبالمنطقة الحساسة...

طبعاهذاالموضوع مهم جداللنساء المتزوجات وغيرالمتزوجات

واكيدكل وحدة لهاطريقتهافي الاعتناءبها..
اناقلت بحطلكم تجربتي وطريقتي وان شالله تستفيدون منها..

اولا...ازالة الشعرمافي افضل من الحلاوة بياض نظافة ونعومة..ادري بتصراخون وتقولون تجيب ترهل وامراض والتهابات.....الخ
اذاصرتي زقرت حذرة ومهتمة مارح يجيك شيء واللي مومتعودة اقولهاتعودي من الحين احسن اناتوني متعودة عليهاصارلي 7شهور
لاتقولين تعورفي مليون طريقة تخفف الالم وافضلهازيت القرنفل
ادهني شوي وخلي 10دقايق وبعدين حطي بودرة اطفال وابداي شيلي بقطعة صغيرة من الحلاوة قداللبانة..ابدبيعورشوي بعدين بيتخدرالجلد
اهم شيءانتبهي لاتقربي الحلاوة في المكان اللي مافيه شعر..اكيدفهمتوا..

ثانيا...خلصنامن شيل الشعرنجيب موية وردونزيل بهابقاياالحلاوة
لاتغسلين بالموية انتبهي يسود..بعدين نطبطب عليهابالمنديل شوي وندهنهابزيت زيتون مدة3دقائق عشان يتغلغل في المسامات..
ليش زيت زيتون؟؟لانه ياخرنموالشعرويشدالجلد
خلصنامن زيت الزيتون نجيب كريم(سودو)حق الاطفال وادهني فيه المنطقة كلهاتراه زين ومفيديشيل الاتهابات ويقضي على الجراثيم وبكذا لا امراض ولاهم يحزنون..

ثالثا...بعدهانجي للشطف والغسيل..مهم جداانك تغسيلهابشكل يومي بالذات في ايام الصيف واللي تداوم برة البيت طبعامواي صابون انتبهي في غسولات خاصة بالمنطقة وافضل شيءعندي هوليدي فريش رووووعة ينظفهاومايخلي فيهاريحة..هوسعره غالي شوي لكن
بسيطة اللي ماعندهاتصلح في البيت بس يكون نظيييييف وهو انك
تجيبن موية صحة+ملح خشن+مر+قطرات ديتول+نقطة جلسرين
في علبة نظيفة وخظيهاالين تذوب..ولازم كل شهرعالاقل تنتقعين في موية دافية وملح عشان تتعقم المنطقة زيييين..

رابعا...الملابس الداخلية البسي دائماسنة موكلوت عشان الاحتكاك في المشي يسودوتكون قطنية عشان تمتص الرطوبة ولازم التهوية قبل ماتنامين شيلي الملابس الداخلية وخلك بالبجامة بس لان اكثرمايضرالمنطقة هي الرطوبة..

وهذاكل اللي عندي وان شالله الكل يستفيد
واللي عندهاطرق اخرى مفيدة تفيدناوتقولناتجربتها

مع خالص تحياتي
اختكم في الله
فياااااافي