[ميرا القاضى]

السلام عليكم ورحمة الله وبركاته

اكيد كلنا جوانا حاجه حاسينها ناقصه شويه وبنتمنى نكملها عشان نكون احلى
انا عشان اكون احلى بتمنى تكون علاقتى بربنا احلى وانى

اوصل لرضاه عنى وده امل بحاول احققه

بتمنى حجات كتير اكملها ومتكونش ناقصه مثل خشوعى الكامل فى الصلاه

خشوعى فى قراءة القران وحجات كتير بتمناها وهيه اكيد وارده معانا كلنا

ان الخشوع من كل واحد فينا بيكون نسبى وبنحاول على قد ما نقدر

نوصل فيه لاعلى درجه عشان نحس صلاتنا وقرانا بارواحنا

لكن الحاجه اللى دايما ببالى وبتقولى كملينى هيه حجابى الشرعى

اكيد كلنا محجبات ونلبس الطويل بس هل انتى بتلبسى الفضفاض

انا مصريه كان نفسى نكون فى مصر مثل السعوديه انا اعرف ان خروجهم

بالعباءات السوداء والايشارب الاسود كنت بتمنى نكون فى مصر بزى شرعى

مفروض علينا ومش اختيارى لانى بتمنى يكون حجابى ربنا راضى عنه

انا الحمد لله ملتزمه بلبسى لكن حبه انى اكون افضل لانى زى ما قلت انا

عرفه انه مش ده الحجاب الشرعى لانى بلبس الفساتين والتونيكات

والفزستات والبناطيل/ الواسعه/ الى اخره لبس البنات العادى بس والله والله

محترم عشان متفهمش غلط بس اكيد عارفه حجابى الشرعى كذا فنفسى

اوصل ليه وبحاول الحمد لله انى اكون محافظه على مظهرى كمسلمه

وبتمنى يكون لبسى العباءات السوداء انا بحبها ومقتنعه بيها

بالنسبه لموضوع النقاب ده بجد مش فى بالى لانى اعرف انه فضل وليس

فرض بس الموضوع مش صعب بالنسبه لى وكانت اخت عندنا بمصر طلبت

منى البسه لكن ماخدتش الموضوع بجديه وربنا يهدينى لما يحب ويرضى

انت او انتى بتتمنوا تكملوا ايه عشان تكونوا احلى ؟؟؟