[رفيعــة الشــأن]

السلام عليكم ورحمه الله وبركاته


اعضاء وزوار منتدانا الغالي

دائما افكر في لو مت وش هي اعمالي الصالحه الي بفرح بها عند عرضها علي
واعمالي السيئه اللي راح اندم منها حين لاينفع الندم حين تعرض علي
لعلكم مثلي اخواني واخواتي

سبحان الله لو فكرنا قليلا
لماذا خلقنا الله ؟؟


اكيد كل واحد بيقول لاجل عبادة الله
طيب هل عبدنا الله كما يجب ؟
هل الواحد منا لو قالوا له راح تموت بعد قليل
هل سيقول اين الموت اهلن به ؟؟


اتمنى والله انكم كلكم هذا الشخص
اللي يكون مستعد للموت في اي لحظه لان الموت ياتي بغته بلااستاذان


ففي موضوعي هذا احببت ان اذكر نفسي واذكركم احبابي الكرام باعمال سهل القيام بها
وهي عند الله عظيمه واجرها كبير


كل واحد يسأل نفسه ويقول الى متى الغفله ؟؟!!
الى متى واحنا غارقين في الذنوب والمعااصي
الى متى واحنا نقول بكره بنتوب وبكره بنصلي زين كل شيء بكره
وماندري يمكن نموت ومابعد جاء بكره



ماراح يضرنا يااخواني وخواتي

اننا نصلي الصلاوات الخمس في اوقاتها
ونصلي بعدها السنن
اللي هي ركعتان قبل الفجر
واربع ركعات بعد الظهر
وركعتان بعد المغرب
وركعتان بعد العشاء
وطبعا ركعتان وقت الضحى

طيب اللي مايقدر على هذي كلها يحاول يصلي لو بعضها يعني لايضيع الاجر كله
تدارك لو بعض الاجر وهي والله ماتاخذ منا وقت بس الشيطان يثقلها على المسلم

طيب صليت خمس صلوات والسنن حقتها فانت ضمنت انك من المحافظين على الصلاه
باذن الله لان اول سؤال راح تسأل عنه
يوم القيامه عن صلاتك
ولاننسى الخشوع في الصلاه وتاديتها بالشكل الصحيح


طيب الحين وقت القران
ليش كل يوم مانقرا لنا عشر ايات او كل واحد واستطاعته انا قلت عشر لاجل التخفيف
ولا تحسبون ان اجر عشر ايات بسيط لاوالله
تخيلي اختي واخي ان كل حرف من القران بحسنه والحسنه بعشر امثالها
فلا تتهاونون بقراءته ابدا ولو القليل منه بارك الله فيكم


طيب الحين حسنوا علاقاتكم بالناس المحيطين بكم الام والاب والاخوان والخوات و خليكم طيبين وقلوبكم طاهره وابتعدوا عن الغيبه والنميمه لان والله ماراح تستفيدون منها شيء بالعكس ذنوب واثام ولو فكرنا شوي في الفائده منها لما وجدنا غير الحسره والندم يوم القيامه


طيب كل مارحتوا لمكان فيه صدقه تصدقوا حتى ولو بريال لاتحقرون اي عمل لان الله سبحانه برحمه يضاعفه اضعاف مضاعفه
بس يشترط فيه الاخلاص وانكم تخلون كل عمل خااالص لوجه الله


طيب الان اي واحد جنب بيتهم مسجد ليش كل شهر ما نجيب له شوي مناديل وصابون ومصاحف او كتب اسلاميه مفيده ونحطها فيه والله ماتكلفنا شيء

او اي واحد يمر يصلي في مسجد ويشوف فيه اشياء طايحه يحاول ينظف المسجد ويرتبه لانه بيت من بيوت الله
تخيل ربي يشوفك تنظف بيته ماتتوقع ان رربي يرحمك ويحبك ؟

طبعا ان قلت هالاشياء لانها من ابسط الاشياء اللي ممكن الواحد يسويها ولا الاعمال الصالحه كثيررره جدا ولله الحمد
ولاننسى قيام الليل فيه اجر عظيم فلنحافظ عليه مااستطعنا جزاكم الله خير



طبعا يااختي ويااخي لاننسى اننا نحاول قدر المستطاع تطهير سمعنا وبصرنا وجوارحنا كلها عن ماحرم الله


يعني مانسمع اغاني لان الغناء بريد الزنا ولاحول ولا قوه الابالله
ونحاول اننا نغض بصرنا عن ماحرم الله
ومانمشي باقدامنا الا الى الاماكن الطاهره اللي حللها الله لنا
وايدينا مانمسك بها الا كل حلال ونبتعد عن السرقه وعن المحرمات

وماناكل ولا نشرب الا كل ماحلله الله لنا



اشياء كثيره ودي اقولها لكم بس ادري طولت عليكم واي واحد منكم عنده اضافه يقولها لنا جزاه الله خير
خلينا نفيد ونستفيد من بعضنا


وياااارب نلقاكم يااخواني واخواتي في جنات النعيم على سرر متقابلين فيها مالا عين رأت ولا اذن سمعت ولا خطر على قلب بشر




سامحوني يااخواني وخواتي
ان وفقت فمن الله وان اخطأت فمن نفسي والشيطان



وجزاكم الله الف خيررررر