[ضاعت أحلامي]

المشاركة الأصلية كتبت بواسطة أنا أمنية متابعة بس ضاعت احلامي خييير ليش كتاكيتك ماااتو شكلك ماتأكليهم زي الناس والله اللي عندنا واحد فوشي زي حقك والثاني موف كبررروو وصاروا دجاااج ولونهم ابيض واللصبغ راح كنا نأكلهم مكرونة دجاج ايدام رز اي حاااجة ههه عظم الله اجرك

هلا اختي

ماشاء الله على كتاكيتك اللي صارن دجاجات (:

والله اني كنت اكلهم 3 مرات باليوم كانوا ياكلون ذره مطحونه ( هذا اكلهم من المحل ) وياكلون فيه ماشاء الله خلصت العلبه كلها وبعد كنت اعطيهم رز ابيض مطبوخ وكانوا يحبوووونه ويتهاوشون عليه يحسبونه دود وكنت اغير مويتهم كل يوم وكل شوي اطلعم واخليهم يتمشون في البيت او برا بالحوش اذا كانت الشمس دافيه ,, واحط لهم اضاءه فوقهم عشان يشعرون بالدفئ يعني حتى مصدر الدفئ والحراره وفرته بس ماادري ليش ماتوا

قعدوا عندي 12 يوم بس ... والفوشي من يوم شريته وهو ضعيف شكله كان مريض اما الاصفر مو مصبوغ وكانت صحته زينه ونشيط بس الظاهر ان الفوشي اعداه بمرضه ... لان الفوشي جاه زي الاسهال - الله يكرم القارئ - وبعدين صار يعرج ويطيح اذا مشا واذا طاح مايقدر يقوم الا لين اشيله بيدي واوقفه .... وفجاه صار مايقدر يمشي جاه شلل وفي الاخير مات قدام عيوني وهذا اللي معور قلبي عليهم لاني شهدت لحظاتهم الاخيره ( لحظات الاحتضار ) ولفظوا انفاسهم الاخيره قدامي اما الاصفر ماقدرت اشوفه لين يموت رحت نمت ووصيت خواتي اذا مات يطلعونه يدفنونه لانه جلس يوم كامل يعاني ويحتضر وجاته نفس اعراض الفوشي ومات بسررررعه بعد الفوشي مع انه كان ماشاء الله يناقز ويطير بجنحانه لانه طبيعي مو مصبوغ بس جاته عدوى ومات انا بحثت بقوقل عن امراض الدواجن ولقيت مرض بنفس الاعراض نسيت اسمه وكاتبين انه غالبا يصيب الكتاكيت الصغيره

كنت متامله انهم يكبرون ويصيرون ديك ودجاجه خخخخخخخ بس يلا خيرها بغيرها المحل اللي شريته منه شكله تعبان

بشتري لي المره الجايه كتاكيت بلدي وبشوف بتموت والا لا

عذرا ع الاطاله واعتذر للاخ عبقر صاحب الموضوع بس من حررررتي عليهم

شكرا ع التعزيه