[الزاهرة]

قصيدة قرأتها في أحد المنتديات وراق لي نقلها إليكم كما وضعتها كاتبتها ،‘غربة الإسلام،‘

السلام عليكم ورحمة الله وبركاته

.
إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال

وأن خيرهما الذي يبدأ بالسلام

الناس واجد مير ما مثل الاخوان = ما مثل اخوك اللي يحبك ويغليك
ما مثل اخوك اللي صدوق(ن) ومعوان= تفديه بالغالـي وبالـروح يفديـك
يشكي لك جروحه وهمه والاحــــــزان = ولا ضاقت الدنيا بهمك يواسيـك
لو كان لك ربعٍ(ن) ونـاسٍ(ن) وجيـران = ما مثل اخوك اللي عن الناس يغنيك
أخوك هو عزك ولـــــو كان ما كـان = يبيع كل الناس لأجلك ويشريـك
أنا أشهد أنه لك على الصدر نيشان = تاج(ن) على راسك وستـر يغطيـك
وانا اشهد انه مـا يثـــــاقـل بميـزان = مثل الذهب والماس مافيه تشكيك
وانا اشهد إنـــــه ما يقـدر بالاثمـان =عن العدو حصـن(ن) ودرع(ن) يوقيـك
إياك لا تفتـح طريـــــق(ن) لشيطـان = بينك وبينه جعـل ربـي ينجيـك
ولا تستمع لاجــــــاك عــــلان وفـلان = يا كثر ما تسمع من اللي يعاديـك
ولا تجعل لغيرك على العقل سلطان = ترى كثير اللي بشـوره يدهويـك
ترى الدهر دوار يا ســــرع الأزمـان = يوم(ن) تواريـه الثـرى أو يواريـك
تقول يـــــــا ليت الذي كـان ماكـان = يا ليتني بالقبر جنبـك واخاويـك
يا ليتك تعـــوِّد واضمك بالاحضـان = أضمك لصدري واقبـل أياديـك
يا ليتك تعوِّد ترى القلـب ندمـان = وده يسوق المعذرة ثـم يراضيـك
مير البلا يا ليت مـاردت إنسـان = ويا ليت ما تمحي ظلام (ن)بما ضيـك
تماكن الدنيا وواصـل بالاحسـان = قبل الندم يطويك والهـم يبريـك
ونهاية المشوار ما غيـر الاكفـان = ويبقى مع السارين ذكرك وطاريك

لاتنسونا من دعواتكم

أختكم في الله (( غربة الاسلام )