[ضاعت أحلامي]

المشاركة الأصلية كتبت بواسطة a7bs.dmoo3y روح قمر ياقلبي الله يساعدج ويفرج همي وهمج يارب تدرين يالغاليه انا طليقي يعطي مصروف لعيالي كل واحد 500 ريال لكن والله العظيم اني ما اصرف منهم ولا ريال تدرين ليش؟؟ امي ماتعطيني اياهم اتقول بجمعه لهم لين يكبرون اقولها بس هم محتاجينها اتقول لا مب محتاجينها ت حتى مؤخري ماعطاني ويوم قلت حق ابوي بطالب فيه قالي مب من حقج وعن الفضايح صرت اصرف عليهم من راتب الشؤون كله الله وكيلج يروح لهم ان شاءالله تشتغلين وربي بيفتح عليج ومابتحتاجين له الله المستعان

الله المستعان

اعذريني على التطفل على الرد بس لانه فوق ردي ماقدرت مااشوفه

لفت نظري مسالة المؤخر

حبيت اقول لك ياقلبي عادي لاتتحسفين عليه وهذا هو الصح ان شاء الله ( لان اغلب رجال هالايام اللي يطلقون مافيهم خير وماراح يعطيك اياه بسهووولة )

انا نفسك تطلقت ولا حتى جاب طاري المؤخر ولاجاني منه ولا ريال ..... ويوم تذكرته قلت لامي ابي اطالب فيه كذا لان طليقي كان سيء معي ومايستحق اني اتنازل له عن هذا المبلغ وحبيت امرمطه شوي

ولكن امي قالت لي تعوذي من الشيطان وقالت نفس رد اهلك انه المؤخر مو لازم تاخذينه وانا في الحقيقه صرت اشك اذا كان المؤخر من حق الزوجه تطالب فيه والا لا ....

عموما في الاخير قلت ( من ترك لله شيئا عوضه الله خيرا منه ) نسيت الموضوع وماطالبت به وقلت اسمع كلام امي من باب البر بها ... ماودي اعور رااااسها هو والوالد مو ناقصين هم



الله يعينا جميعا ويعوضنا خير

تحياتي لكن