[حبة المحبه]

السلام عليكم ورحمة الله وبركاته

حبيباتي واخواتي...اللي ساكنين معايه فى المنتدى انا عندي تجربة عملية مجرباها بنفسي واكتر من مررة
واثبتت نجاحها معايه..وحبيت انصحكم بيها هنا في القسم
اللي بحبه واحب اهله العزاز عليا..
كنت بروح السوق ..واقعد الف وادور عاللي اعوزه لغاية مااتعب
واحيانا مبلقاش من اول مشوار فبقعد رايحة وجاية اكتر من مررة
وانا مبحبش روحت السوق ..طبعي كده بجدد...وباخد مبالغ بالالفين والتلاتة وبرجع بمية والا خمسين..ويمكن ميفضلش حاجة
وحصل مرتين ورى بعضهم اني احتجت اروح عشان مناسبة ضروري جدا جدا ومقدرش اعتذر ولا اتأخر...فاخدت بنتي وابني
وبنت جارتي واخوها..لانهم عايزين يحضرو معانا ومعزومين
بس مفيش عندهم فلوس عشان يشترو الحاجة..والراتب هيتأخر
قلت والله لتروحو معاية وناخد اللي نعوزو
واللي يسمعني يقول ياما هنا وياما هنااك..وكل اللي معايه 800 ريال تخيلو!!!
المهم رحنا اول ماركبت السيارة قلت .كلكم تقولو زي مااقول
" بسم الله توكلت على الله ولاحول ولا قوة الا بالله"
وفعلا رددوها معاية ..ومشينا ..قلت انا ديما باسمع عن سووق كبير في جده والكل بيروحله الا انا..عايزة اجربه واروحله
جاراتي بيمدحوه..وكل مناطق المملكة بيشترو منه..اشمعنى انا؟؟
هو بعيد شوية..لكن وصلناله..قلت رددو معايه دعاء السوق
"لااله الا الله وحده لاشريك له..له الملك وله الحمد..يحيي ويميت
بيده الخير وهو على كل شيئ قدرير"
ورددوها كلهم معايه..
اول بركة لالتزامنا وتطبيقنا لكلام النبي وسنته.
لقينا موقف للعربية وركناها فيه..واللي يعرف الاسواق الكبيرة
يحلم يلاقي موقف قريب..يركن بعيد ويرووح مشي مسافة كبيرة
لغاية ميدخل السووق
تاني حاجة ودي نسيتها من الاول
كل الاشارات خضراء..مفيش اشارة وقفتنا من بيتنا لغاية السوق
تالت حاجة ودي الاهم..والله والله اشتريت ليا ولبنتي ولبنت جارتي..ولولادي اللي قعدو في البيت ولأخت بنت جارتي
من الفلوس دي ورجعت منها بمبلغ كمان وبقيت مدهووشة
ياولاد شايفين البركة..ياولاد انتو شايفين الي شايفاه
800 ريال كفت لبس محترم وخامته حلوة جدا...موش تقولو
رخيص وخامته رديئة..لاوالله منتهى الزووق والشياكة
ودوول بنات كلية موش كل حاجة تعجبهم..سبحان الله العظيم
رجعت بميتين ريال..شحنت منها الموبايل واشترينا عشا
لينا ولبنت جارتي واهلها وفضل معايه كماااااااااان
موش بمدح نفسي قسما بالله
لكن عايزة اوصل لكم ان ده الكلام من نصايح رسولنا الكريم
اللي نسيناها ومبقيناش نقولها في زمن السرعة والاستعجال
ولان الحكاية اتكررت بعد كده في مشوار تاني وعملنا نفس
الشيئ ولقيت البركة والتوفيق من موقف السيارات لغاية
الشراء والسووق
قلت مبدهااش قولي للبنات على السر ده
وربنا يوفقكم كلكم

اختكم اللي بتحبكم

اللهم إني أسألك نعمة دائمة تفيض بها خيراتك .

وتتوسع بها أرزاقك وتتضاعف بها بركاتك وتزيد بها أفضالك .

وأعوذ بك من أن تزول عني نعمك وتنقص عني خيراتك وتنقطع عني أرزاقك .

وتنتهي عني بركاتك وتذهب عني أفضالك يـا أكرمَ من سئِل يـارب العالمين.

إن القلوب اذا تآلف ودها ... ما كان يومآ للفراق مكان.

فأنا المحب وحب الله معتقدي ... وكل حب نما بالله ريان.

احبكم فى الله

" بسم الله توكلت على الله ولاحول ولا قوة الا بالله"
و
"لااله الا الله وحده لاشريك له..له الملك وله الحمد..يحيي ويميت
بيده الخير وهو على كل شيئ قدير"