[~حلى الكَون~]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه


اليوم جايبة لكم حلى حلو مرة وسهل بنفس الوقت... طبعا

شفته في منتديات كثيرة وعجبني فقلت خلني أصلحه وأشوف

وأصلا من مقاديره واضح إنه حلو وطعمة جنان بس جربته

وطلع فوق ما أتصور من حلاوته..وينفع للزيارات المفاجئة

والحين أترككم مع المقادير....(نقلته للفائدة ).....

نبدأ بالمقادير والطريقة:

- كرتون بسكويت بالتمر (ديمه) <<والكرتون سعره 5 ريال
- اصبع زبده صغيره مذوبه على النار.
(تصفين البسكويت بصينيه وبعدين تشربينه بالزبده كله)

بعد كذا تصبين عليه الخلطه هذي طبعا بعد خلطها بالخلاط:
- علبتين قشطه (التاج او اي نوع).
- 12 حبة جبن كيري.
- رشه فانيلا.
- نصف ملعقه بيكنج باودر.
- 2 فنجنان سكر.
- 3 بيضات.
( وبعد ماتصبينها على طبقة البسكويت تدخلين الصينيه بالفرن من تحت شوي ومن فوق الين تحسين ان الخلطه تماسكت وتقطعينها وتقدمينها وبالعافيه يارب)

راح تلاحظون طبقه التمر بالنص بعد التقطيع كنك انتي جايبه تمر ونازعه النوا حقه وحاطته طبقه بس في الحقيقه هو من البسكويت الجاهز ..

إن شاء الله عجبكم

تحيااااااااااتي

~حلى الكَون~