[@معاند الجرح@]

اخوتي الأعزاء
السلام عليكم ورحمة الله وبركاته
اقدم لكم هذه القصيده ارجو ان تنال على اعجابكم وقد تكون آخر قصيده فلتعذروني جميعا لظروفي الخاصهّّ..

يا مل قلب ن عذبه صد الأحباب = اللي مودتهم سرت في عروقه
يكفخ كما طير ن نوى راس مرقاب = لاكن دون امناه حالت سبوقه
من زود قهره فج صدره بمخلاب = يموت حر ولا بنادم يعوقه
ويامل عين ن دمعها دوم سكاب = وخدين من دمع الفراق محروقه
أسامر اطيوفه سواليف واعتاب = حتى صباح الغد يعلن شروقه
حبيبي اللي مسكنه بين الأهداب = وان قلت نون العين فأبسط حقوقه
حالي نحل ماينفعه طب الأطباب = طبي وصالك كان روحك شفوقه
هجرتني من دون تحديد الاسباب = قلب ن يحبك ليش تبغى عقوقه
كن الضلوع يقدها فأس حطاب = ويشعم لهيب الهجر داخل خفوقه
جمر الجفا مابين الأضلاع شباب = تعال وأحبك دلة الوصل فوقه
ثم مدلي فنجال ياسيد الاحباب = وانت الخبير بكيف راسي وذوقه
يفداك راسي يابعد كل الاقراب = ويفداك شعراٌ جاك بأجمل طروقه