[so0ocar]

السلام عليكم ورحمة الله وبركاته


كل عام وانتم بخير اعضاء منتديات د. فهد العصيمي

صراحة ما ادري ايش اقول بس حبيت اللي عندهم نصيحة لي ينصحوني

الله يفرج عنكم ويرفع درجاتكم ويحقق احلامكم



انا نهاية شهر رمضان يكمل لي سنة من تزوجت اوك

مشكلتي مو فيه لاني اعرف ان كل شخص فيه عيوب وما فية احد كامل

بس امة مع انها خالة لي عجزت افهمها طبعا هي مو متعلمة وفيها بداوة

يعني تحب تسوي مشكلة من لا شي وهي عجوز عمرها بـ 70

طبعا هي جت عندي حوالي 4 شهور بدايت زواجي لان زوجها توفى وتحملت ما فية الكفاية وجابت بنتها عندها

عشان تالد وهم سكت وقلت الصبر زين واخرتهن راح افتك منهن

المهم ما ادري شافت معطتها وجة الظاهر بس اتامر تبي اني اطيعة طبعا انا ما ودي

ارد علية لانه عجوز وبصراحة عيب من باب الاحترام بس ساكتة بس ما في شي ينفع

عجزت ابيه تحس شوي تستحي يصير فيها دم

ولا شي نفع مليت صراحة كرهتهم ما شاء الله من جتنا وكل بناتها زارنا

اغلبهن وقحات وكلامهم قلة ادب ويحذفن كلام مالة داعي

غير تصرفات امهن اللي تفشل يعني تخيلن شي لبناتها ما احد يلمسة ما ادري تحسب اني باخذة مثل حركات البزران

وعندي تحش بخلق الله شافت اسكت لان مالي شغل ادافع عن خلق الله

راحت تحش بامي وابوي جيت انا وناظرته وسكتت هه

المهم من يوم راحت عني ما ادري عنه بس كلمته مرة لانه اتصلت بوالدة وعطاني الجوال اكلمه

انا صراحة كرهتهم خاصة هي شافت اعاملة عدل تحسب اني خايفة منه

او خايفة انه تزوج ولدها على صراحة ناس سخيفة وهمجية

صرت ما احب ارد علية لانها ما تتصل الا اذا سمعت ان عندي احد او جاني احد

يعني تتصل عشان تبي تعرف وين رحت وين جيت وانا ما احب انه تتدخل بحياتي

وتنقل وش اسوي لبناته

يوم شافت اني ما ارد صارت ما تتصل وانا ما عمري اتصلت علية

مشكلتي ايش اولدة اللي هو زوجي شاره على مع انه يعرف ان جوالي نص الشهر

ما يتصل لانه ما سدد الفاتورة او يدش النت ويخلص الحد الائتماني ويحجبون المكالمات

وانا حتى امي ما اكلمة الا بالاسبوع مرة واحيانا ما اكلمة هي اللي تتصل

اذا ابطيت يكون لي اكثر من اسبوعين ما اتصلت

وش اسوي امة تتشكى له اني ما اتصل وانتم تعرفون العجايز خاصة اذا فيهن بداوه


ولا تفهم ان ان جوالي مغير اسبوع بالكثير يشتغل وباقي الشهر محجوبة المكالمات

واذا كلمته ما تسال عني ولا تقول سلم لي عليها طبعا عادي انا عندي بس هو يقعد يقول

ليش امي ما تسال عنك مثل اول ؟ لا يكون بينكم شي قولي لي عادي ويقعد يحسب

اني مسوية فيها شي وانا والله العظيم متحملتها حتى بناتها يشهدن على هالكلام

وما شاء الله ولدها ما يصدق يسدد الجوال الا قام تشره

انا وشدخلني بامه صراحة احيانا اكرههم كرة احسهم سخفاء وهمج

وامه هذة وش تبي داخلة بحياتي من البداية وبس ودة تحط له سالفة

وش اسوي يااااااااااناس امانه اسالكم بالله انا غلطانة ؟

وين الغلط ؟

وش اسوي بهالعجوز مع اني محترمته اكثر من حريم عياله الثانين بس ما شفت ان

الطيب كافيها بس تحذف كلام وما تسكت ودها باكشن بالبيت وكل شي اسوية

تنقلة لبناتها وين الغلط ؟

وش اسوووووووووووي ترى ما جات سنة من تزوجت

خطا اني عطيتهم وجه من البداية مثل ما قالن لي صديقاتي ؟

وين الخطااااااااا وش اسووووووي تكفوووون



*****

على الهامش اخترت لون احمر دليل الحب ههه امزح