[الهديل]

من قلبى اقول كلمتى ديه
اقولها بفصحى على عامية
وكلماتى دايما عفوية
من كل قلبى اهديكوا هدية
من زهر بلدى بصوا اهيه
ورود بلدى ناعمة ندية
بقلوبوا اقروا كلمتى ديه





السلام عليكم ورحمة الله وبركاته أخواتى أخوتى فى الله

معرفش ليه حسيت إنى لازم أقول لكم إللى أنا حاساه قبل ما أدخل أنام اليوم

مشاعر حب ومودة وإخاء وتقارب مع كل القلوب والأقلام التى عرفتها عن قرب على هذا المنتدى واحببتهم جميعا فى الله... مش عارفة أقول ايه بالضبط .. بس كل اللى نفسى تعرفوه وتحسوه منى أننى أحبكم جميعا فى الله وأننى أحب هذا المنتدى جدا جدا لطابعه الاسلامى المحترم الجميل ولأننى تعلمت من أعضاءه ومشرفيه الكثير وأفدت منهم الكثير فالله يجزى كل من تعلمت منه شيئا يفيدنى فى دينى ودنياى خيرا... ربنا يبارك فيكم كلكم ... وتعرفوا نفسى نعمل اجتماع زى صناع الحياة ونشوف بعض كلنا ونتعارف من كل الأقطار .... الله ... الله ... شئ جميل أن تجتمع قلوب مسلمة ومؤمنة وموحدة بالله تحبه وتخافه وتحب بعضها فى الله ولله ... الله يديمها علينا نعمة... الله يجمعنا فى جنات الخلد ... الله يظلنا بظله تحت عرشه يوم لا ظل إلا ظله ويعيننا على انفسنا ويلبسنا لباس التقوى والمحبة الصادقة لله وفى الله... معقول هل ممكن ناس منا تتقابل فى الدنيا... ممكن الدنيا صغيرة جدا ما حد عارف... ما شفت منكم غير د. فهد لغاية دلوقتى بس مين عارف ربنا يقرب البعيد :) ... وإن لم نجتمع الآن فى دنيانا فأسأل الله أن يجمعنا فى جنات الخلد على سرر موضونة متكئين عليها متقابلين... اللهم آمين

معلش يا جماعة يمكن كلماتى مش منمقة ولا منظمة ولا تعكس حبى الذى وصل لدرجة الادمان لهذا المنتدى حتى أنه أثر على حياتى الخاصة بشكل سلبى .. بس يمكن عشان بلاقى فيه نفسى وسطكوا هنا.. بس هذا شعورى تجاه هذا المنتدى المحترم .. فربنا يبارك فى المقيمين عليه وفى الشيخ فهد وفى المشرفين والأعضاء والزوار ويجعلنا دايما مجتمعين عليه حتى آخر العمر.. مش هاقدر أتخيل إنى أبعد عنكم أو إنى أكون موجودة والعضوات والأعضاء اللى أنا حبيتهم فى الله عليه يمشوا ويسيبونا... ربنا يستر

وفى النهاية أقول لكم أحبكم جميعا فى الله