[شافي الشكري]

رهيييييييييييييييييييييييييف الحس ( حوار بيني وبين قلبي )

رهيف الحس يا قلبي شعورك مثلما طوفان
تعدّى جار في حده وهو يرفض يواسيني

جبال الصم في صدري تبادلني الشعور أحزان
على ليلٍ سكن جوفه عجاج الوقت يسبيني

رقبت الفجر وإحساسي يزيد وينقص الميزان
ولكن السنا بقلبي محال محال يسليني

ترى نبض العمر يمضي وتمضي دورة الأزمان
بريق الوقت هو مرة وباقي الدهر تلويني

أنا م أشكي لغير الله واحرّم شكوتي لإنسان
حتى لو دنا الحلقوم رحاب الموت يشفيني

(صحيح الكون هو نبضك )؟ .. جرى في خافي الشريان
هلا باللي كتب ربي وحكم الكون ياتيني

نعم عز الرجل وعده وذلّه لي جفا أو خان
صدق من قال سالفنا ب(وعد الحر كالديني)

خطاك إنك رهيف الحس بجوٍ صافيٍ نشوان
أبيك تقلب أوراقك تراجع حكمك الحيني

أبيك من الصخر أقوى وساسك بالتقىبنيان
أبيك القوة العظمى بعون الله والديني

تقول إنك( رهيف الحس) لكنك رفيع الشان
حلّى بالثقة واعزف سلام الكون تلحيني

رياضك يا قلب مغنى فدْتك نفوسنا ألحان
ربيعٍ فتّح أزهاره غشى كل المحبيني

تقول إنك (ربيع العمر) لكن النفوس ألوان !
وأقول إن( السفر واجب) ولا ذا الغير يحفيني