[موضي]

جيـت اطـوي طريقـي والبـوادي خــلا
لا بخرجـي زهـاب ولا قريـب ا لمسـيـر
جيـت اكمـد جروحـي واتضمضـم غـلا
كني الخوف 00هايب 00مستحي00 مستخير
فـي يدينـي تسامـح وانتفـض لــك ولا
غـاب فينـي جنونـي واحتوانـي بصيـر
كنـت اكبـر ذنوبـي فـي عيـون الـمـلا
كيف اتوبـك ورجلـي فـي جداتـك تسيـر
مـا تغيـر غلانـا لــو تبعـثـر هــلا
ليـه مـدري اجيلـك والخـسـاره كثـيـر
صـرت وهمـوم عمـري بالطريـق زمـلا
فـوق ضيعـة دليلـي بـي تفائـل كبيـر
صـرت مثـل المعيشـه فـي يديـن بخـلا
حلـم تـاه بعيـون المستـحـق الفقـيـر
كاظـمٍ فـي سكـوت والسـكـوت الـبـلا
ماتـت اجمـل حروفـي والليالـي هجيـر
مـا طمـن كـف حزنـي بالهمـوم يعـلا
ولا وصلـت النهايـه كـن كلـي كسـيـر
لكـن ان الجـدواي لا غـدا 00وش تــلا
درب موحـش مسيـره مـا لقالـه منيـر
مـا هقيـت المـراجـل عـزتـه تـنـزلا
ولارضيـت الكـرامـه يمتلكـهـا حقـيـر
لكن الـدرب موحـش والصحـاري محـلا
نصف عمـري غدابـه رحلـة مـا تصيـر
ما بقـى كـود شعـري لا حزنـت اشعـلا
نـار تكـوي فـؤادي فـي دفـاه استجيـر

لشاعر ماضي الجنفاوي