[ام حممممودي]

السلام عليكم ورحمة الله وبركاته 00
هذه قصه حصلت معي شخصيا ام حمودي مع عجوز كنا في يوم طالعين على الكورنيش
وكان فيه طبعا ناس كثرين متفرقين الي جالس من هنا ولي جالس من هنا
الا اقبلت علينا عجوز وجلست وراي وكان معها كيس فيه مويه وعصير بعدين قالت لي عندك با بنيتي قهوه يوجعني راسي قلت ابشري رحت جنبها وقهويتها وعطيتها شاهي وسألتها من وين جايه قالت من الرياض ولدي نجح وجيت امشيه قلت وينه قالت حطني هنا وقال ابروح للقهوه وبجي وكانت اللقهوه للشباب كانت قدامناالله المستعان قلت طيب ماعندك بنات والله ماتصدقون قامت تدعي على بناتها سكت قالت تصدقين يابنيتي انه الظاهر مسكني في شقق للعزاب مادخلت معها في التفاصيل 0بعد ماتقهوت وخلصت بعدت عنا شوي وعيونها على مكان الطريق الي راح فيه ولدهاجلسنا معها من المغرب الى الساعه تقريبا 12 ونصف بعدين قمنا بنروح وحنا شايلين همها رحت لها قلت قومي معي تاخر ولدك قالت لا بيجي الحين وعينها على المقهى
حاولت فيها مارضت قلت طيب تبغين شي قامت تدعيلي انا وزوجي مارحت عنها الا يوم شفت ان فيه ناس ان شاء الله ماراح يخلونها سلمت عليها ورحت يكفي اني حصلت ها الدعوات منها 00 ولا نمت ذاك اليوم شايله همها
شوفو قساوة بعض الابناء
بعدين سمعنا ان بعد فتره فيه ولد رامي امه عند البحر
مسكينه فكرت في سعادته وهو ما فكر فيها
الله جعل الي صار لها مايصير لنا ويهدي ابنائنا
والله على مااقول شهيد