[الفقيره]

a7



من فرج عن مسلم كربه فرج الله عنه كربه من كربات يوم القيامه.......



مادري من وين ابتدي بس انا ابي اقولكم المشكله ابي منكم المساعده انا بنت والحمدالله اهتديت من بعد ماكنت بنت لاهيه كنت احب اسمع الاغاني بشكل جنون لدرجة اني اذا شريت شريط جديد اقعد اليوم كامل اسمعه وسماعة المسجل ماتطيح من اذني وامنى يطلع الصبح علشان اسمعه مره ثانيه وكنت انمص الحواجب يعني بكل اختصار كنت لاهيه مايهمني شي لكن والله الحمد تغيرت حييييييييييييل وهذا بفضل الله سبحانه وتعالى واتمنى الثبات الحين انا غير ماقمت اسمع الاغاني وبدلتهم بأناشيد واشياء واجد بحياتي غيرت لن المشكله مو اهني المشكله هي.......


اني عرفت ان الدنيا فانيه واني مهما عاشت راح امووووووووت وانا خايفه من المووووت وكرهت نفسي ودايم اقول بيني وبين نفسي ياليتني مت وانا صغيره ياليتني ما انولدت ودايم متكدره وهذا مو طبعي انا معروف عني كثيرة الضحك كان قبل بالي طوييييييل حيييل واستحمل النقد من الي حولي لكن الحين صرت عصبيه حيل ممله على طول ضايق خلقي افكر شلون راح اقابل الله يوم القيامه افكر شلون راح اقعد بالقبر بروحي بدون امي انا ما اقدر اعيش من غير امي انا يتيمة الاب ومتعلقه حييييييييل بأمي ما ابي انحط بالقبر بعض المرات اقول والله ما اخبي عليكم انا بالعيد ما اشتري ملابس جديده صارلي تقريبا 3 سنوات على هالحال اقول ليش البس ليش اضحك ليش احب ليش ادرس انا راح اموت انا مابي اموت انا والله والله والله احب الله الله كريم عضيم سبحانه فضلي على كثير من عباده لما هداني الحمدالله بس انا لما اسمع الشيوخ الكرام لما يتكلمون عن عذاب القبر تسوء حالتي حيييييييل وما اطيق نفسي لكن لما اقرى عن رحمة الله وعضمته ارتاح ولما اسمع عن فضل الاستخفار وان من يبعد عن المعاصي الله يرحمه ويدخله الجنه واستانس واقول الله رحيم بس انا ماني عارفه انا راح ادخل الجنه ولا لا ياربي والله حاسه بغصه بقلبي اشكي لمنو اقول لمنو شسوي قولولي الي انا فيه ليش احط الحق على الشيطان واقول هذا وسواس ولا على الشيوخ الي عندما يسووون المحاضرات يشددون على عذاب القبر ويهتمون بالموضوع هذا وينسون ان الله رحيم انا ابي احد يعلمني ليش الشيوخ لما يسوون محاضرات يحطون مثالين للبنات ويقولون البنت الي تحب الموضه والبنت الي تحب الله ودينها انا ابي اعرف البنت الي تحب الموضه تدخل النار بس الله سبحانه وتعالى جميل يحب الجمال مافيها شي لوصرت احب الموضه واهتم بنفسي واعبد الله ياربي والله احس اني ضايعه ساعدوني الله يخليكم ودي اعبر اكثر من جذي بس ماني عارفه ادعولي اني اموووووت انا بالحج ان الله يتقمدني برحمته